جسٹس اُدے اُمیش للت اور جسٹس اجے رستوگی کی ڈویژن بینچ نے دو صحافیوں کی جانب سے دائر کی جانے والی درخواست کی سماعت 27 جولائی تک ملتوی کردی۔
اس درخواست پر عدالت عظمی نے 30 اپریل کو اٹارنی جنرل کے کے وینو گوپال کو ذاتی طور پر پیشی کا نوٹس جاری کیا تھا۔
آج سماعت کے دوران وینو گوپال نے عدالت سے استدعا کی کہ انہیں حلف نامہ داخل کرنے کے لیے دو ہفتے کا اضافی وقت دیں۔ اس کے بعد عدالت نے معاملے کی سماعت 27 جولائی تک ملتوی کردی۔
یہ بھی پڑھیں: Supreme Court: سوشل میڈیا پر نفرت پھیلانے کے خلاف دائر درخواست آئندہ ہفتہ کے لیے ملتوی
صحافی کشور چندر وانگ کھیمچہ اور کنہیا لال شکلا کی جانب سے دائر کی گئی درخواست میں کہا گیا ہے کہ بغاوت سے متعلق تعزیرات ہند کی دفعہ 124 اے میں آئین کے آرٹیکل 19 (1) (اے) کے تحت شہریوں کو دی گئی اظہار خیال کی آزادی کے بنیادی حقوق کی خلاف ورزی پر مبنی ہے۔
