کیا آنگن واڑی ورکرز کے اچھے دن آ گئے؟

ریاست اترپردیش کے رامپور کے کلیکٹریٹ پر آنگن واڑی سے جڑی خواتین نے احتجاجی مظاہرہ کرکے اپنے مطالبات پر مشتمل ایک میمورنڈم ضلع مجسٹریٹ رویندر کمار ماندڑ کو سونپا۔ آنگن واڑی ورکرس کا کہنا ہے کہ ریاست کے وزیر اعلیٰ یوگی جی نے جو وعدے کئے تھے وہ اس کو نبھائیں، نہیں تو آگنواڑی خواتین یوگی حکومت کے خلاف زبردست تحریک چلائیں گی۔

تنخواہوں اور دیگر مراعات سے محروم آنگنواڑی خواتین نے رامپور کے کلیکٹریٹ پر حکومت کے خلاف نعرے بازی کرتے ہوئے احتجاجی مظاہرہ کیا۔ اس دوران انہوں نے اپنی ملازمت کو مستقل کرنے کا بھی مطالبہ دہرایا۔ میڈیا کے نمائندوں سے بات کرتے ہوئے آنگنواڑی خواتین نے کہا کہ وزیر اعظم مودی نے کہا تھا کہ 120 دن میں آپ کے دن بدل دیں گے، اچھے دن آئیں گے جبکہ 120 دن کی جگہ 1200 سے زائد دن ہو چکے ہیں لیکن آنگن واڑی ورکرس کے لئے ابھی تک کچھ نہیں ہوا ہے۔

وہیں آنگنواڑی واڑی ورکرز ایسوسی ایشن کی ضلع سکریٹری سریتا شرما نے کہا کہ بچوں کو راشن تقسیم کرنے میں کافی دشواریاں آ رہی ہیں۔ انہوں نے راشن سپلائی کرنے والے ملازمین پر بدعنوانی کے الزامات لگاتے ہوئے کہا کہ اوپر سے ان کو راشن کم دیا جاتا ہے جس سے ان کا راشن کم پڑ جاتا ہے اور تمام ضرورت مند لوگوں تک نہیں پہنچ پاتا ہے۔ ساتھ ہی انہوں نے یہ بھی بتایا کہ حکومت کی جانب سے آدھا آدھا کلو راشن تقسیم کرنے کی ہدایت ہے اور وہ آدھا کلو راشن تقریباً 15 سے 15 لوگ ملکر تقسیم کرتے ہیں۔

آپ کو بتا دیں کہ حکومت کی سرپرست آئی سی ڈی ایس اسکیم کے تحت آنگن واڑی خدمات، ابتدائی بچپن کی دیکھ بھال اور ان کے نشو و نما کے لئے حکومت ہند کے پروگراموں میں سے ایک ہے۔