راشٹریہ لوک تانترک پارٹی کے سربراہ اور راجستھان کے ناگور سے رکن پارلیمان ہنومان بینیوال نے صدر رام ناتھ کووند کے خطاب کے دوران ہنگامہ کرنے شروع کر دیا۔
جس وقت صدر رام ناتھ کووند خطاب کر رہے تھے اسی دوران ہنومان بینیوال اپنی جگہ سے کھڑے ہوتے ہیں اور تینوں زرعی قوانین کی واپسی مانگ کرنے لگتے ہیں۔
پارلیمنٹ میں صدر کے خطاب کے دوران ان کے ذریعے کیے گئے ہنگامے کا ویڈیوں انہوں نے اپنے ٹویٹر اکاؤنٹ پر شیئر کیا ہے، ویڈیو شیئر کرتے ہوئے انہوں نے لکھا ہے کہ 'آج کسانوں کے عزت و احترام کے لیے اور کسانوں کی تحریک کی حمایت میں کسان مخالف بل واپس لینے کا مطالبہ کرتے ہوئے ایوان میں معزز صدر کے خطاب کا بائیکاٹ کیا اور ایوان سے واک آؤٹ کر دیا۔'
یہاں یہ بتاتے چلیں ہنومان بینیوال نے زرعی قوانین کی مخالفت کرتے ہوئے حال ہی میں این ڈی اے اتحاد سے علیحدگی اختیار کر لی تھی، شیرومنی اکالی دل کے بعد بینیوال دوسری سیاسی پارٹی کے صدر ہیں جس نے زرعی قوانین کے خلاف این ڈی اے کو خیرباد کہا۔
