لکھنؤ: حج کمیٹی آف انڈیا ممبئی نے ایک سرکلر جاری کرتے ہوئے کہا ہے کہ اب تک حج کمیٹی آف انڈیا کے ذریعہ حج اپلیکیشن کی تاریخ 10 مارچ متعین کی گئی تھی لیکن اب اس میں توسیع کر 20 مارچ تک کردیا ہے، جس سے امید کی جارہی ہے جو عازمین حج اپلیکش دینے سے رہ گئے تھے، انہیں موقع مل جائے گا۔ حج کمیٹی آف انڈیا نے عازمین حج کے درخواست دینے کی تاریخ میں توسیع کردی ہے۔ اب 20 مارچ تک حج اپلیکیشن دینے کی آخری تاریخ متعین کی گئی ہے۔
اس سے قبل 10 فروری سے 10 مارچ آخری تاریخ متعین کیا گیا تھا، توقع کی جارہی تھی کہ تاریخ میں توسیع نہیں ہوگی، ریاستی حج کمیٹی نے تمام تر تیاریاں بھی مکمل کرلی تھی لیکن عین وقت پر تاریخ میں توسیع کی گئی ہے۔ اتر پردیش میں متعین کوٹہ سے کم درخواست آئے ہیں لیکن اب تاریخ میں توسیع ہونے سے امید کی جارہی ہے کہ کوٹہ سے زیادہ درخواست آئیں گے۔ اتر پردیش میں اب تک 25 ہزار عازمین حج نے درخواست دی ہے جبکہ متعین کوٹہ 30 ہزار سے زائد ہے۔
وہیں دہلی اسٹیٹ حج کمیٹی کے ایگزیکٹو آفیسر جاوید عالم خان نے بتایا کہ اب تک دہلی سے حج 2023 کے لیے تقریبا 36 سو درخواستیں جمع کرائی جا چکی ہے۔ جاوید عالم خان نے بتایا کہ رواں برس دہلی سے جن کی عمر 70 برس سے زیادہ ہے ان بزرگوں کی 167 درخواستیں موصول ہوئی ہیں جبکہ بغیر کسی محرم کے حج بیت اللہ کے لیے جانے والی خاتون کی درخواستوں کی تعداد 41 ہے۔ رواں برس 250 سے زائد ایسی بھی درخواستیں ہیں جو کسی وجہ سے مکمل طور پر جمع نہیں ہو پائیں ہیں۔
جاوید عالم خان نے بتایا کہ ملک گیر پیمانے پر اب تک 161000 درخواستیں جمع کی گئی ہیں وہیں رواں برس حج بیت اللہ کے لیے بھارت سے جانے والے عازمین کا کوٹہ 1 لاکھ 75 ہزار ہے جس میں سے 20 فیصد پرائیویٹ ٹور آپریٹرز کے ذریعے فریضہ حج ادا کریں گے جبکہ 80 فیصد عازمین حج کمیٹی آف انڈیا کے ذریعے سفر حج پر روانہ ہوں گے۔
یہ بھی پڑھیں: Haj 2023 یوپی میں مقرر کردہ کوٹے سے کم عازمین حج نے درخواستیں داخل کیں
