اترپردیش ریاستی حج کمیٹی Uttar Pradesh State Hajj Committee سے موصولہ اطلاع کے مطابق حج کمیٹی آف انڈیا Hajj Committee of India ممبئی کے ذریعہ سرکلر-4 میں حج -Haj 2022 کے عازمین حج کے لیے زیادہ سے زیادہ حد 65 برس میں رعایت دینے کی ضمن میں مذکورہ ہدایات کا ذکر کیا گیا ہے۔ عمر کی حد کی لازمیت 65 برس کی حد کو ختم کر دی گئی ہے۔
ایسے عازمین جو پہلے حج کمیٹی یا پرائیویٹ ٹور کے توسط سے حج پر نہیں گئے ہیں اور 31مئی 2022 کو 70سال یا اس سے زائد عمر کے ہوں، (جن کی پیدائش 31مئی 1952کو یا اس سے پہلے کی ہو) اپنے ایک مددگار کے ساتھ ریزرو کٹیگری میں درخواست کر سکیں گے۔
70 برس کے مددگار کے طور پر ان کے رشتہ داروں میں صرف شوہر اہلیہ، بھائی بہن، لڑکالڑکی، پوتاپوتی، نواسا نواسی، داماد بہو، بھانجا بھانجی، بھتیجابھتیجی ہی تسلیم کیے جائیں گے۔70برس سے زائد عمر کا کوئی بھی عازمین حج اکیلا ریزرو کٹیگری میں درخواست نہیں کر سکے گا۔
ایک کور میں دو 70 سے زائد درخواست کنندگان کے ساتھ دو مددگار ہی درخواست کر سکیں گے۔ 70+عازمین یا ان کے مددگار کو اکیلے جانے کی اجازت نہیں ہوگی۔ کسی وجہ سے 70+عازمین حج کی درخواست منسوخ ہونے پر ان کے مددگار کی درخواست از خود ہی منسوخ مانی جائےگی۔
مزید پڑھیں: Hajj 2022: حج 2022 ڈیجٹل ہوگا، اب تک 20 ہزار درخواستیں موصول
کووِڈ-19عالمی وبا کے مد نظر عازمین حج کا حج مکمل ہونے تک مخصوص پیمانوں، ضوابط، اہلیت، عمر کی حد اور صحت سے متعلق ضرورات اور سعودی عرب حکومت کی جانب سے جاری پروٹوکال کے تحت حج کا عمل مکمل کیا جائےگا۔ یہ اطلاع اترپردیش ریاستی حج کمیٹی کے سکریٹری ایکزیکٹیو افسر راہل گپتا نے دی ہے۔
