ملک میں نام بدلنے کا سلسلہ لگاتار جاری ہے جس میں اب ریاست مدھیہ پردیش بھی اچھوتا نہیں رہا ہے۔ بھوپال کے حبیب گنج ریلوے اسٹیشن کا نام بدل کر رانی کملا پتی ریلوے اسٹیشن رکھنے کا نوٹیفیکیشن آتے ہی اسٹیشن کا نام بدل دیا گیا۔
ریاست مدھیہ پردیش کے ٹرانسپورٹ ڈیپارٹمنٹ نے 15 نومبر کو اس کے افتتاح سے پہلے ہی اس کا نام تبدیل کرنے کی تجویز حکومت ہند کو بھیجی تھی- ان کی تجویز منظور ہونے کے 24 گھنٹے کے اندر ریاستی حکومت نے نوٹیفیکیشن جاری کیا، جس کے بعد حبیب گنج ریلوے اسٹیشن کا نام بدل کر رانی کملا پتی ریلوے اسٹیشن کر دیا گیا- وزیراعظم نریندرمودی کل 15 نومبر کو اس کا افتتاح کریں گے-
دارالحکومت بھوپال کے عالمی معیار حاصل پرائیویٹ ریلوے اسٹیشن حبیب گنج کا نام بدل کر بھوپال کی آخری گونڈ رانی کملا پتی کے نام پر رکھا گیا ہے- واضح رہے کہ اسٹیشن کی بنیاد 1905 میں برطانوی حکومت کے وقت رکھی گئی تھی- اس وقت اسٹیشن کا نام شاہپور تھا-
1979 میں جب اسٹیشن کی توسیع کی بات سامنے آئی تو نواب حبیب اللہ نے اس کے لئے زمین وقف کی تھی- تب ہی سے اسٹیشن کا نام حبیب گنج اسٹیشن پڑا تھا، جسے بدل کر رانی کملا پتی ریلوے اسٹیشن رکھ دیا گیا-
یہ بھی پڑھیں:
کلیم صدیقی کی گرفتاری کے خلاف احتجاجی مظاہرہ
ریاست مدھیہ پردیش کے دارالحکومت بھوپال کے حبیب گنج ریلوے اسٹیشن کا نام بدل کر رانی کملا پتی رکھے جانے کے بعد ریاستی حکومت کے اس قدم پر سخت رد عمل کا اظہار کیا جو پیسہ اسٹیشن کا نام بدلنے میں خرچ کیا جارہا ہے اسے کورونا متاثرین کے لئے استعمال کیا جانا چاہئے-
