گلبرگہ: ائمہ کرام اور مؤذنین کو مسجد جانے پولیس پاس کی اجرائی

کورونا کیسز میں اضافہ کے بعد ملک کی کئی ریاستوں میں لاک ڈاؤن نافذ کردیا گیا ہے، کرناٹک بھی ایسی ریاست ہے جو کورونا سے متاثر ہے، ایسے میں وہاں حکومت کی جانب سے کئی شہروں میں لاک ڈاؤن نافذ ہے جس کی وجہ سے عوام کو پریشانیوں کا سامنا کرنا پڑرہا ہے۔ یہاں تک کہ مذہبی عبادت گاہوں کے منتظمین کو بھی پریشانی ہورہی ہے، جس میں مؤذن اور امام مسجد شامل ہیں۔

ریاست کرناٹک کے شہر گلبرگہ میں لاک ڈاؤن کے دوران ائمہ کرام اور مؤذنین کو اذان دینے اور نماز کی ادائیگی کے لئے مسجد جانے پولیس پاس کی اجرائی کے لئے کرناٹک مسلم پولٹیکل فورم کے عہدہ داران شاہ نواز خان شاہین، علیم احمد اور افضال محمود نے آج ڈپٹی کمشنر آف پولیس ضلع گلبرگہ مسٹر کشور بابو سے ملاقات کی۔

گلبرگہ: ائمہ کرام اور مؤذنین کو مسجد جانے پولیس پاس کی اجرائی

ان قائدین نے ماہ رمضان کے پیش نظر اور شہر میں جاری لاک ڈاؤن کے نفاذ کے سبب ڈپٹی کمشنر پولیس سے درخواست کی کہ گلبرگہ ضلع میں مساجد کے پیش اماموں اور مؤذن حضرات کو مساجد کو جانے اور وہاں نماز ادا کر نے کے لئے پولیس پاس جاری کئے جائیں تاکہ ان حضرات کو مساجد میں اذاں دینے اور نماز ادا کر نے میں کوئی رکاوٹ نہ ہو۔