Gujarat Election بی جے پی نے گجرات کے باقی تین امیدواروں کا بھی اعلان کردیا

بی جے پی نے گجرات اسمبلی انتخابات کے لئے آج یہاں تین امیدواروں کی پانچویں اور آخری فہرست جاری کی۔ اس سے قبل گجرات اسمبلی انتخابات کے لیے بی جے پی نے پیر کی رات دیر گئے اپنے 12 امیدواروں کی چوتھی فہرست جاری کی تھی۔BJP releases list of three remaining candidates

نئی دہلی: بھارتیہ جنتا پارٹی (بی جے پی) نے گجرات اسمبلی انتخابات کے لئے آج یہاں تین امیدواروں کی پانچویں اور آخری فہرست جاری کی۔ پارٹی نے سردار سنگھ چودھری کو کھیرالو سیٹ سے، جینتی بھائی پٹیل کو مانسا سے اور مہندر بھائی بھبھور کو گربادہ (ایس ٹی) سیٹ سے میدان میں اتارا ہے۔Gujarat polls 2022

گجرات اسمبلی انتخابات کے لیے بی جے پی نے پیر کی رات دیر گئے اپنے 12 امیدواروں کی چوتھی فہرست جاری کی تھی۔ ان ناموں کو بی جے پی کی سنٹرل الیکشن کمیٹی نے 09 نومبر کو منظوری دی تھی۔ بی جے پی نے پہلی فہرست میں 160، دوسری فہرست میں چھ، تیسری میں ایک اور چوتھی میں 12 امیدواروں کا اعلان کیا تھا۔ اس طرح پانچویں فہرست کے تین امیدواروں سمیت 182 امیدواروں کا اعلان کیا گیا ہے۔ گجرات اسمبلی کی کل 182 سیٹوں کے لیے ووٹنگ دو مرحلوں میں یکم اور 5 دسمبر کو ہوگی اور ووٹوں کی گنتی 8 دسمبر کو ہوگی۔

یواین آئی