پارلیمنٹ کا مانسون اجلاس 19 جولائی سے شروع ہوکر 13 اگست تک چلے گا۔ اطلاعات کے مطابق مانسون اجلاس کے موقع پر مرکزی حکومت 17 نئے بل پیش کرنے جارہی ہے۔
ان بلوں میں انشورنس اور دیوالیہ پن کوڈ (IBC) میں تبدیلیاں شامل ہیں۔ یہ بل بہت چھوٹی، چھوٹی اور درمیانہ صنعتوں (MSMEs) کے لیے پری پیکج ریزولیشن پلان والے آرڈیننس کی جگہ لے گی اور کارپوریٹ قرض دہندگان کو پریشانیوں کا سامنا کررہی کمپنیوں کے مسائل کے حل کے لیے تجویز کی اجازت دینا شامل ہے۔
اس کے علاوہ مرکزی حکومت انشورنس کور کو بڑھاکر 5 لاکھ روپے کرنے کے لیے انشورنس بل بھی پیش کرنے جارہی ہے۔ تاہم cryptocurrency بل میں ایک بار پھر تاخیر کی اطلاع ہے۔ موجودہ سیشن کے لوک سبھا بلیٹن میں کرپٹو کرنسی بل درج نہیں ہے۔
آفیشیل ڈیجیٹل کرنسی بل 2021 (کرپٹو بل) کا کرپٹو کرنسی اینڈ ریگولیشن پہلے بجٹ سیشن کے لیے درج کیا گیا تھا لیکن اس کو پیش نہیں کیا جاسکا کیونکہ کووڈ۔19 کی دوسری لہر کی وجہ سے اجلاس کو مختصر کیا گیا تھا۔ تاہم ذرائع نے بتایا کہ حکومت نے اب تک اس بل کے خاکہ کو حتمی شکل نہیں دی ہے اور اب بھی فریم ورک کا جائزہ لیا جارہا ہے۔
- یہ بھی پڑھیں:کرپٹو کرنسی اور بھارت
- مزید پڑھیں: کرپٹو کرنسی پر بل لاسکتی ہے حکومت: انوراگ ٹھاکر
آنے والے سیشن کے لیے تیار کیے گئے 17 نئے بلوں میں محدود ذمہ داری پارٹنرشپ (ایل ایل پی) ایکٹ، بجلی ایکٹ اور کول بیئرنگ سیکٹرز (حصول اور ترقی) ایکٹ میں ترمیم شامل ہیں۔
لوک سبھا بلیٹن کے مطابق آئی بی سی میں ترمیم اپریل آرڈیننس کی جگہ لینے کے لیے ہے۔ ڈپازٹ انشورنس اور کریڈٹ گارنٹی کارپوریشن بل کا مقصد جمع کرانے والے صارفین کو ان کی کمائی کی رقم تک آسان اور بروقت رسائی فراہم کرنا سمیت ان کی رقومات کی حفاظت کے بارے میں اعتماد پیدا کرنا ہے۔ یہ 2020 کے بجٹ کے اعلان کو بتاتا ہے، جہاں مرکز نے کور 1 لاکھ سے بڑھاکر 5 لاکھ روپے کرنے کی منظوری دی تھی۔
- یہ بھی پڑھیں: 'یونیفارم سول کوڈ دستور ہند کے خلاف ہے'
اس کے علاوہ ایل ایل پی ایکٹ 2008 میں اہم ترامیم پر بھی غور کیا جائے گا۔ حکومت طریقہ کار اور تکنیکی خلاف ورزیوں سے نمٹنے کے لیے 12 کمپاؤنڈ ایبل جرائم کو جرائم کے زمرے سے باہر کرنے کا منصوبہ بنارہی ہے۔ یہ قانون پر عمل کرنے والے ایل ایل پیز کے لیے کاروبار میں آسانی کو یقینی بنانا ہے۔
ایجنڈے کے ٹاپ پر ایک اور بل کول بیئرنگ سیکٹرز (حصول اور ترقی) ترمیمی بل 2021 شامل ہے۔
