شوپیاں: جموں وکشمیر حکومت نے انتظامیہ کو مزید موثر اور شفاف بنانے کے لئے انچارج اسسٹنٹ رجنل ٹرانسپورٹ آفسر شوپیاں عبدالماجد بھٹ ( جو اس وقت معطل ہے) کی قبل از وقت ریٹائرمنٹ کا حکم دیا ہے۔ حکومتی حکم نامہ کے مطابق انچارج اے آر ٹی او شوپیاں نے اپنے فرائض ایسے طریقے سے اَنجام دیے جو سرکاری ملازمین کے لئے ناگوار اور ضابطہ اخلاق کی خلاف ورزی کرتا ہے۔
مزید پڑھیں:۔ Premature Retirement Of Officers جموں و کشمیر انتظامیہ نے دو سرکاری ملازمین کو برطرف کردیا
یہ مشق انچارج اے آر ٹی او کے ریکارڈ کی جانچ پڑتال کے باقاعدہ عمل کے طور پر کی گئی تھی، جو جموں وکشمیر سیول سروسز ریگولیشنز کے آرٹیکل 226(2) کے لحاظ سے عمر اور سروس کی مدت کو عبور کرتے ہیں۔ محکمہ ٹرانسپورٹ سے تعلق رکھنے والے اس آفیسر کو غیر متناسب اثاثہ جات کے حصول کے لئے سنگین فوجداری مقدمے میں ملوث پایا گیا او وہ اپنے سروس کریئر کے دوران غیر موثر کار کردگی کا شکار تھے، انکی کارکردگی جائزہ کمیٹی کی سفارشات کے مطابق غیر تسلی بخش پائی گئی اور سرکاری ملازمت میں ان کا مستقل رہنا مفاد عامہ کے خلاف پا یا گیا۔
