لوک سبھا میں حزب اختلاف کی جماعتوں Opposition in Lok Sabha نے حکومت پر کورونا وبا سے نمٹنے کے لیے مناسب انتظام کرنے میں ناکام رہنے اور عوام کے لیے ہمدردی سے کام نہ کرنے کا الزام لگایا اور کہا کہ 'اس دوران حکومت صرف وزیر اعظم نریندر مودی PM Narendra Modi کی امیج بچانے اور اپنی پیٹھ تھپتھپانے میں لگی ہوئی ہے'۔
کانگریس کے گورو گوگوئی نے ضابطے 193 کے تحت ’کووڈ-19 کی وبا سے پیدا ہونے والی صورتحال‘ پر بحث میں حصہ لیتے ہوئے کہا کہ کورونا وبا کے دوران حکومت کو ملک کے عوام کے ساتھ ہمدردی کے ساتھ پیش آنا چاہیے تھا، لیکن وہ سخت بنی رہی اور لوگوں کے مسائل کو اہمیت نہیں دی۔ حکومت کا ظلم اس قدر رہا کہ اس نے کورونا کے دور میں بھی پیٹرول اور ڈیزل سے پیسے کمانے کا کام جاری رکھا۔
انہوں نے کہا کہ کانگریس لیڈر راہل گاندھی نے حکومت کو کووڈ سے محتاط رہنے کا مشورہ دیا لیکن ان کی بات کا مذاق اڑایا گیا۔ مسٹر گاندھی کی یہ بات کورونا کی دوسری لہر میں سچ ثابت ہوئی جب ہم وطنوں کو اسپتالوں میں بستر نہیں ملے اور لوگ وینٹی لیٹر کے لیے ترستے رہے۔ پورے ملک میں اتفرا تفری کا ماحول تھا۔ اعداد و شمار بتاتے ہیں کہ اس عرصے کے دوران تین ہزار سے زائد بچے یتیم ہوئے اور 26 ہزار سے زائد بچوں نے اس وبا کی وجہ سے اپنے والدین میں سے کسی ایک کو گنوایا ۔
مزید پڑھیں:
- Rahul Gandhi: کورونا کے اعداد و شمار جھوٹے لیکن لوگوں کی تکلیف سچ
- Corona Virus: 'کورونا دور کے مجرموں کے خلاف سخت کارروائی ہونی چاہیے'
- کورونا کی دوسری لہر کے لیے مودی ذمہ دار: راہل
- ملک میں لاک ڈاؤن ناکام رہا: راہل
کانگریس لیڈر نے کہا کہ حیران کن بات یہ ہے کہ دوسری لہر سے پہلے راہل گاندھی کے مشورے پر دھیان دینے کے بجائے مودی ڈابوس میں یہ دعویٰ کرتے رہے کہ ہندوستان نے کورونا پر فتح حاصل کر لی ہے۔ کووڈ ویکسین باہر کے ممالک میں بھیجی گئی اور اپنے لوگوں کو نظر انداز کیا گیا۔
یو این آئی
