جرمن وزارت خارجہ نے فیکٹ چیک ویب سائٹ آلٹ نیوز کے شریک بانی محمد زبیر کی گرفتاری پر بھارت کی سخت الفاظ میں تنقید کیا ہے۔ Germany on Mohammed Zubair's Arrest جرمن وزارت خارجہ کے ترجمان نے کہا کہ صحافیوں کو ان کے لکھنے اور بولنے کے لیے ستایا اور قید نہیں کیا جانا چاہیے۔ ہم واقعی اس معاملے سے واقف ہیں اور نئی دہلی میں ہمارا سفارت خانہ اس کی بہت قریب سے نگرانی کر رہا ہے۔جرمن سفارت خانے نے کہا تھا کہ یورپی یونین کی بھارت کے ساتھ انسانی حقوق کی بات چیت جاری ہے۔ آزادی اظہار اور آزادی صحافت ان بحثوں کا محور ہے۔ جرمن ترجمان نے کہا کہ بھارت خود کو دنیا کی سب سے بڑی جمہوریت قرار دیتا ہے، اس لیے کوئی بھی یہ توقع کر سکتا ہے کہ وہاں جمہوری اقدار جیسے آزادی اظہار اور آزادی صحافت کو ضروری مقام دیا جائے گا۔
وہیں بھارت نے جرمن وزارت خارجہ کے تبصروں پر شدید ردعمل کا اظہار کیا ہے۔ بھارتی حکومت نے اسے ’’اندرونی مسئلہ‘‘ قرار دیا۔ حکومت نے کہا کہ یہ معاملہ عدالت میں چل رہا ہے، اس لیے اس پر تبصرہ کرنے کی ضرورت نہیں ہے۔ وزارت خارجہ کے ترجمان ارندم باغچی نے کہا، "یہ ہمارا اندرونی معاملہ ہے، یہ معاملہ عدالت میں چل رہا ہے۔ ہمارا قانونی نظام آزاد ہے اور اس وقت اس پر کوئی بھی تبصرہ بیکار ہو گا۔"
