گزشتہ برس 15 جون کو وادی گلوان میں ہونے والے تصادم میں چینی فوج کے ساتھ لوہا لینے والے تمام بھارتی فوجی جوانوں کے لیے وار ٹائم چکر سیریز ایوارڈ کی سفارش کی گئی ہے۔ وار ٹائم چکر سیریز ایوارڈز میں اعلیٰ ترین پرم ویر چکر، مہاویر چکر اور ویر چکر شامل ہیں۔
سرکاری ذرائع نے بتایا کہ رواں برس یوم جمہوریہ کے موقع پر بہادری ایوارڈ کے لیے تجویز کردہ اہلکاروں کی فہرست میں بہار 16 کمانڈنگ آفیسر کرنل سنتوش بابو کا نام بھی شمال ہے جو بھارت اور چینی افواج کے مابین ہوئے تصادم میں ہلاک ہوئے تھے۔
آرمی کے اعلی افسران نے گلوان وادی کے بہادر فوجی اہلکاروں کے لیے بہادری ایوارڈز کی سفارش کی ہے۔
یہ بھی پڑھیں: ویکسینیشن کے سلسلے میں افواہوں کو پھیلنے نہ دیں: مودی
واضح رہے کہ مشرقی لداخ میں ایل اے سی پر گزشتہ برس مئی کے مہینے میں بھارت اور چینی افواج کے مابین کشیدگی پیدا ہوئی تھی جبکہ جون میں حالات خراب ہوئے اور دونوں افواج کے مابین تصادم ہوا جس میں 20 بھارتی فوجی جوان شہید ہوئے تھے۔
