بالی: وزیراعظم نریندر مودی اور جرمن چانسلر اولاف شولز نے بدھ کو یہاں جی۔20 سربراہی اجلاس کے موقع پر تجارتی اور سرمایہ کاری کے تعلقات کو گہرا کرنے پر اتفاق کیا۔ دونوں ممالک کے رہنماؤں کے درمیان مذاکرات کامیاب رہے۔ وزیر اعظم کے دفتر نے کہاکہ 'دونوں رہنماؤں نے وسیع پیمانے پر دو طرفہ تعاون پر تبادلہ خیال کیا اور اقتصادی اور دفاعی شعبوں میں دو طرفہ تعاون کو بڑھانے کے طریقوں پر بھی تبادلہ خیال کیا۔'G20 Summit In Indonesia
پی ایم او نے ٹویٹ کیاکہ 'بالی میں جی۔20 سربراہی اجلاس کے موقع پر وزیر اعظم مودی اور چانسلر شولز کے درمیان بات چیت کامیاب رہی۔ اس دوران ہند-جرمنی دوستی کو آگے بڑھانے کے مقصد سے مختلف موضوعات پر بات چیت کی گئی، خاص طور پر تجارت، مالیات اور سیکورٹی کے مسائل۔'
دونوں رہنماؤں کے درمیان اس سال یہ تیسری ملاقات تھی۔ گزشتہ ملاقاتیں اس سال 2 مئی کو وزیر اعظم کے 6 ویں ہند-جرمنی بین حکومتی مشاورت کے لیے برلن کے دورے کے دوران ہوئی تھی، اس کے بعد مودی کا جرمنی میں شلوس ایلماؤ کے دورے کے دوران شولز کی دعوت پر جی۔7 چوٹی کانفرنس کانفرنس کے لئے پارٹنر ملک کے طور پر ہوئی تھی۔
