بھارت اور انگلینڈ کے درمیان پانچ میچوں کی ٹیسٹ سیریز کا چوتھا ٹیسٹ میں آج یعنی 2 ستمبر سے سہ پہر 3:30بجے سے کھیلا جائے گا۔ لیڈز ٹیسٹ میں بھارت کی شکست کے بعد یہ سیریز ابھی ایک ایک سے برابر ہے۔
بھارت نے لارڈز میں 151 رنز کی جیت کے ساتھ سیریز میں برتری حاصل کی تھی لیکن انگلینڈ نے جوابی کارکردگی کا مظاہرہ کرتے ہوئے لیڈز میں تیسرا ٹیسٹ ایک اننگز اور 76 رنوں سے ساڑھے تین دنوں میں جیت کر پانچ میچوں کی سیریز میں ایک ایک سے برابری کرلی تھی۔
اب چوتھا ٹیسٹ آج سے اوول گراؤنڈ میں کھیلا جانا ہے جس میں فاتح ٹیم کو سیریز میں 2-1 کی فیصلہ کن برتری حاصل ہوگی۔
لندن کے اوول میں انگلش ٹیم ہمیشہ ٹیم انڈیا پر حاوی رہی ہے۔ بھارت کو اوول میں اب تک صرف ایک فتح نصیب ہوئی ہے، جو اسے 50 سال پہلے 1971 میں ملی تھی۔ بھارت نے اب تک 13 ٹیسٹ میچ کھیلے ہیں جن میں سے اسے پانچ میں شکست اور سات میچ ڈرا رہے ہیں۔
بنگلہ دیش نے نیوزی لینڈ کو سات وکٹوں سے شکست دی
انگلینڈ نے شاید تیسرا ٹیسٹ جیت لیا ہو لیکن اوول ٹیسٹ میں وہ دو تبدیلیوں کے ساتھ میدان میں اتر سکتی ہے۔ کیونکہ نائب کپتان جوس بٹلر اپنے دوسرے بچے کی پیدائش کی وجہ سے چوتھے ٹیسٹ میں دستیاب نہیں رہیں گے۔
ایسی صورتحال میں ان کی جگہ ڈین لارنس یا اولی پوپ کو موقع دیا جا سکتا ہے۔ اس کے علاوہ کرس ووکس کو سیم کورن کی جگہ واپس آ سکتے ہیں۔ سیم فارم میں نہیں ہیں اور پہلے تین ٹیسٹ میں زیادہ کچھ خاص نہیں کر سکے ہیں سکے۔
