معاشرتی جرائم کے خلاف کاروائی کرتے ہوئے اننت ناگ پولیس نے ایک مصدقہ اطلاع موصول ہونے کے بعد کے پی روڈ کے ایک مقام پر چھاپا مارا۔
چھاپہ کے دوران پولیس نے چار جواریوں کو جوا کھیلتے ہوئے رنگے ہاتھوں پکڑ لیا۔ ان کے قبضہ سے داؤ پر لگائی گئی 51 ہزار 4 سو کی رقم اور تاش کے پتے ضبط کیے گئے۔
یہ کاروائی پولیس چوکی بس اسٹینڈ کی جانب سے متعلقہ چوکی افسر کی زیر قیادت انجام دی گئی۔
پولیس نے متعلقہ دفعہ کے تحت مقدمہ درج کرتے ہوئے چاروں ملزمین کو گرفتار کرلیا۔ اس واقعہ کی مزید تحقیقات جاری ہیں۔
پولیس نے انتباہ کیا کہ جو افراد اس طرح کی مجرمانہ سرگرمیوں میں ملوث پائے جائیں گے ان کے خلاف قانون کے تحت سخت کارروائی کی جائے گی۔
پولیس نے کمیونٹی ممبران سے درخواست کی کہ وہ اپنے محلہ میں ہونے والے جرائم کے بارے میں پولیس کو آگاہ کریں۔
