جھارکھنڈ کے ضلع پلامو کے چھتر پور تھانہ علاقہ میں ایک سڑک حادثے میں چار افراد کی موت ہوگئی۔
پولیس ذرائع نے جمعہ کے روز بتایا کہ بہار کے ضلع اورنگ آباد کے نبی نگر کے رہائشی سنجے پرساد (55) جمعرات کو دیررات چین پور بلاک کے شاہ پور گاؤں میں اپنی بیٹی کا تلک کرنے کے بعد اپنی گاڑی سے گھر لوٹ رہے تھے۔
اسی درمیان چھتر پورمیں مہندرا پٹرول پمپ کے قریب کھڑے ایک ٹرک سے کار کی ٹکر ہوگئی ۔اس حادثہ میں کار میں سوار دو افراد نے موقع پر ہی دم توڑدیا جبکہ دو دیگر زخمی ہوگئے۔ زخمیوں کو چھترپور اسپتال بھیج دیا گیا ، جہاں ڈاکٹروں نے دونوں کو مردہ قرار دے دیا۔
ذرائع نے بتایا کہ ہلاک شدگان کی شناخت سنجے پرساد ، سریو پرساد (45) امیش ساہ (55) اورامیش پرساد (50) کے طور پر کی گئی ہے۔
