سرینگر: کانگریس رہنما راہل گاندھی کی قیادت میں جاری 'بھارت جوڑو یاترا' کو جموں کشمیر میں منظم طور پر منعقد کرنے کے لیے جموں و کشمیر پردیش کانگریس کمیٹی کے سابق صدر غلام احمد میر کو کوآڈنیٹر نامزد کیا گیا ہے۔ غلام احمد میر کے علاوہ ورکنگ صدر رمن بھلا اور نائب صدر غلام نبی مونگا کو بھی اس یاترا کو کامیاب اور منظم طریقے سے منعقد کرنے کے لیے کوآڈنیٹر نامزد کیا گیا ہے۔ Jammu Kashmir Pradesh Congress Committee
کانگریس ترجمان نے ایک بیان میں کہا کہ 'جموں کشمیر پردیش کانگریس کمیٹی کے صدر وقار رسول نے ان لیڈران کو یاترا کے انتظامات کرنے کے لیے یہ فیصلہ کیا ہے۔ قابل ذکر ہے کہ راہل گاندھی جموں کشمیر میں 'بھارت جوڑو یاترا' کے دوران آٹھ دن قیام کریں گے۔ Bharat Joda Yatra
کانگرس لیڈر رجنی پاٹل کے مطابق راہل گاندھی جموں صوبے میں چار روز قیام کریں گے جبکہ وادی کشمیر میں چار روز ان کا قیام ہوگا۔ ان کا کہنا ہے کہ جموں و کشمیر میں ضلع کھٹوعہ سے 'بھارت جوڑو یاترا' جنوری کے آخری ہفتے سے منعقد کرنے کی توقع ہے۔ Former JKPCC president G A Mir
واضح رہے کہ کانگرس کے سابق صدر راہل گاندھی نے بھارت میں نفرت کی سیاست کے خلاف پیدل یاترا شروع کی ہے جو دو تین ماہ قبل کنیاکماری سے شروع کی گئی تھی۔
