بی جے پی کے سابق رکن اسمبلی کلدیپ سنگھ سینگر کو راؤز ایونیو کورٹ Rouse Avenue Court سے راحت ملی ہے۔ عدالت نے کلدیپ سنگھ سینگر کو متاثرہ پر گاڑی چڑھانے کے معاملے میں بری کر دیا ہے۔
یہ معاملہ Unnao Rape Case سال 2019 کا ہے، جب جنسی زیادتی کی متاثرہ لڑکی رائے بریلی جارہی تھی۔ ایک ٹرک نے ان کی کار کو ٹکر مار دی۔ ریپ کا شکار لڑکی کے ساتھ اس کی خالہ اور وکیل گاڑی میں موجود تھے۔
اس معاملے میں کلدیپ سنگھ سینگر سمیت 12 لوگوں کو اس حادثے کی سازش کا ملزم بنایا گیا تھا۔ سماعت کے دوران سی بی آئی نے کہا کہ اس حادثے میں کسی مجرمانہ سازش کا کوئی ثبوت نہیں ملا ہے۔
- یہ بھی پڑھیں: سینگر کو عمر قید کی سزا، کورٹ روم میں کیا ہوا؟
واضح رہے کہ 20 دسمبر، 2019 کو سینگر کو تیس ہزاری عدالت نے متاثرہ کے ساتھ کنسی زیادتی کے الزام میں عمر قید کی سزا سنائی تھی۔ عدالت نے عمر قید کے علاوہ 25 لاکھ روپے جرمانہ بھی عائد کیا تھا۔ جرمانے کی اس رقم میں سے 10 لاکھ روپے متاثرہ کو دینے کا حکم دیا گیا۔ کلدیپ سنگھ سینگر Kuldeep Sengar in Unnao Rape نے بھی تیس ہزاری کورٹ کے اس فیصلے کو دہلی ہائی کورٹ میں چیلنج کیا ہے۔
