آندھراپردیش کے ضلع ویزیانگرم میں ایک بس سڑک حادثے کا شکار ہوگئی۔ اس حادثہ میں پانچ لوگوں کی موت واقع ہوگئی، جبکہ 25 سے زائد افراد زخمی ہوگئے۔
اطلاع کے مطابق گیس سلینڈر سے بھری لاری اور ایک آر ٹی سی بس میں ٹکر ہوگئی تھی، اسی وقت وشکھاپٹنم سے ویزیانگرم آنے والی ایک اور آر ٹی سی بس نے اس بس کو پیچھے سے ٹکر مار دی، جس کی وجہ سے یہ دردناک سڑک حادثہ پیش آیا۔
آندھراپردیش: سڑک حادثے میں پانچ کی موت
جس علاقے میں یہ حادثہ پیش آیا وہاں ایک کچڑا کنڈی موجود تھی اور اس وقت کچڑے میں آگ لگایا جارہا تھا اور سڑک پر زیادہ دھواں ہونے کی وجہ سے سامنے سے آنے والی تیز رفتار گاڑی کے بارے میں معلوم نہیں ہوسکا اور دونوں میں زبردست ٹکر ہوگئی۔
حادثے کی اطلاع ملنے پر پولیس اور آر ٹی سی افسروں نے جائے وقوع پہنچ کر حادثے کا جائزہ لیا اور زخمیوں کو مقامی اسپتال میں داخل کرایا۔
