مغربی بنگال میں پانچ اضلاع کی 30 اسمبلی نشستوں کے لیے پولنگ جاری ہے جبکہ آسام کی 47 نشستوں کے لیے ووٹ ڈالے جا رہے ہیں۔
مغربی بنگال کے پہلے مرحلے میں بانکر، پرولیا، جھارگرام، مغربی اور مشرقی ضلع کی 30 نشستوں پر پولنگ جاری ہے۔ ان 30 نشستوں میں پٹاشپور، بھگوانپور، کھیجوڑی، کانتھی جنوب، کانتھی شمال، اگرا، بنپور، رام نگر، بنپور، گوپی بلبھپور، نیا گرام، جھارگرام، کیشیری، گڑبیتا، سالبنیہ، کھڑگپور، میدینیپور، دانتن، بنداون، بلرامپور، جے پور، پرولیا، مانبازار، باگھ منڈی، رگھوناتھ پور، پارا، سالتورا، کاشی پور، رانی باندھ، چھاتنا اور رائے پور شامل ہے۔
جبکہ آسام میں 47 نشستوں کے لیے پہلے مرحلے کے تحت پولنگ جاری ہے۔
مغربی بنگال میں ترنمول کانگریس کی حکومت ہے۔ ترنمول کانگریس کی صدر ممتا بنرجی ریاست کی وزیر اعلی ہیں۔ ٹی ایم سی نے 2016 کے اسمبلی انتخابات میں سب سے زیادہ 211 نشستوں پر کامیابی حاصل کرکے حکومت تشکیل دی تھی۔ اس وقت، کانگریس نے 44، بائیں بازو نے 26 اور بی جے پی نے صرف تین سیٹوں پر کامیابی حاصل کی تھی۔ جبکہ دیگر نے دس نشستیں حاصل کی تھیں۔ یہاں اکثریت کے لئے 148 نشستوں کی ضرورت ہے۔
