دہلی کے نورنگر میں آگ لگنے سے درجنوں آشیانے خاکستر

دہلی فائر سروسز کے افسران نے بتایا کہ 'بدھ کی دوپہر جنوب مشرقی دہلی کے نورنگر میں واقع کچھ جھونپڑیوں میں آگ بھڑک اٹھی۔ حالانکہ ابھی تک کسی کے بھی زجمی ہونے کی اطلاع نہیں ہے۔ تاہم تقریباً 60 جھگیاں اور درجنوں بیٹری رکشا جل کر خاکستر ہوگئے۔

وقف بورڈ کے چیئرمین اور اوکھلا سے رکن اسمبلی امانت اللہ خان نے موقع پر پہنچ کر حالات کا جائزہ لیتے ہوئے تمام متاثرین کے درمیان ایک ایک ہزار روپے تقسیم کیے، ساتھ ہی دہلی حکومت کی جانب سے 25 ہزار روپے اور وقف بورڈ کی جانب سے 10 ہزار روپے متاثرین کو دلانے کا اعلان کیا۔

ڈی ایف ایس کے مطابق، نور نگر میں آگ لگنے کے حوالے سے ایک فون دوپہر 3:13 بجے موصول ہوا جس کے بعد فائر بریگیڈ کی 9 گاڑیوں کو موقع پر بھیج دیا گیا۔ آگ پر قابو پا لیا گیا ہے، تاہم ابھی تک آگ بھڑکنے کی وجہ معلوم نہیں ہوسکی ہے۔ البتہ کہا جا رہا ہے کہ آگ لگنے کے بعد گیس سیلنڈر پھٹنے سے آگ نے شدت اختیار کر لی تھی لیکن فائر بریگیڈ نے آگ پر قابو پالیا۔

دہلی کے نورنگر میں آگ لگنے سے درجنوں آشیانے جل کرخاک

دہلی وقف بورڈ کے چیئرمین امانت اللہ خان نے دورہ کر کے متاثرین کو ایک اسکول میں منتقل کرنے کا حکم دیا ہے۔ اس کے علاوہ ان کے کھانے پینے اور روزہ افطاری کا انتظام وقف بورڈ کے چیئرمین اور اوکھلا سے رکن اسمبلی امانت اللہ خان کی جانب سے کیا جا رہا ہے۔

دہلی کے نورنگر میں آگ لگنے سے درجنوں آشیانے جل کرخاک

امانت اللہ خان نے موقع پر پہنچ کر حالات کا جائزہ لیتے ہوئے فی الحال ایک ایک ہزار روپے نقد تقسیم کیے۔ اس کے علاوہ دہلی حکومت کی جانب سے 25 ہزار روپے اور وقف بورڈ کی جانب سے 10 ہزار روپے متاثرین کو دلانے کا اعلان کیا ہے۔