قومی دارالحکومت دہلی میں کورونا کے انفیکشن Corona Cases In Delhi کو روکنے کے لیے حکومت نے ویکینڈ کرفیو نافذ کر دیا ہے۔ پہلے ویکینڈ کرفیو یعنی ہفتہ اور اتوار میں پولیس کی مستعدی کی وجہ سے دہلی کے سڑکیں سنسان رہیں۔ وہیں ویکینڈ کرفیو میں 751 لوگوں کے خلاف ایف آئی آر درج کی گئی، جبکہ 3156 لوگوں کو کووڈ-19 گائیڈلائن کی خلاف ورزی کرنے پر چالان کاٹا گیا۔ Weekend Curfew In Delhi
اطلاع کے مطابق دہلی میں کورونا انفیکشن کے کیسز میں تیزی سے اضافہ ہورہا ہے جس کو دیکھتے ہوئے دہلی حکومت نے ہفتے کے آخر میں ویکینڈ کرفیو نافذ کیا ہے۔ گزشتہ ہفتہ اور اتوار کو پہلا ویک اینڈ کرفیو تھا جس پر سختی سے عمل کیا گیا۔ اس دوران دہلی پولیس نے 751 لوگوں کے خلاف ایف آئی آر درج کی ہے جو غیر ضروری طور پر گھر سے باہر نکلے تھے۔ اس کے ساتھ ہی رواں ہفتے کے آخر میں کووڈ-19 کی گائیڈ لائن پر عمل نہ کرنے والوں کے خلاف چالان کی مہم سختی سے چلائی گئی۔ گزشتہ ہفتہ اور اتوار کو 3156 لوگوں کا چالان کیا گیا کیونکہ وہ کووڈ-19 کی گائیڈ لائن پر عمل نہیں کر رہے تھے۔
