مالیگاؤں میونسپل کارپوریشن Malegaon Municipal Corporation ہیلتھ آفیسر ڈاکٹر سپنا ٹھاکرے نے نمائندے ای ٹی وی بھارت کو بتایا کہ مالیگاؤں میں ویکسینیشن کا رجحان بہت کم دیکھا جارہا تھا، جس کے بعد میونسپل کارپوریشن کی جانب سے ویکسینیشن بیداری مہم کا آغاز کیا گیا۔ شہر کے الگ الگ شہری ہیلتھ سینٹر کے ذریعہ لوگوں میں ویکسین کے تعلق سے بیداری پیدا کی گئی، جس کے باعث ویکسینیشن کی تعداد میں کچھ حد تک اضافہ دیکھا جارہا ہے۔
انہوں نے مزید کہا کہ شنگمیشور شہری ہیلتھ سینٹر کی حدود میں واقع باغ محمود علاقے میں حالات کو مدنظر رکھتے ہوئے ویکسینیشن کی شروعات کی گئی ہے۔ جس میں 50 سے زائد مرد و عورت نے ویکسین کا پہلا ڈوز The First Dose of the Vaccine مکمل کرلیا ہے۔ ڈاکٹر سپنا ٹھاکرے نے کورونا کی نئی شکل اومیکرون کے تعلق سے بتاتے ہوئے کہا کہ اس وبائی بیماری کے اثرات کافی تیزی سے پھیلنے والے ہیں۔ اس وباء سے بچنے کیلئے ماسک کا استعمال کرنے کے ساتھ ساتھ عوامی دوریاں بنائے رکھیں اور دونوں ٹیکوں کو جلد از جلد مکمل کریں تاکہ آنے والی وباء سے ہم خود کو محفوظ کر سکیں۔
یہ بھی پڑھیں:
