سوِل ہیلتھ کارڈ سے کسانوں کی آمدنی میں اضافہ ہوا : حکومت

مرکزی حکومت نے آج کہا کہ سوِل ہیلتھ کارڈ کی بنیاد پر کاشتکاری کرنے سے کسانوں کی لاگت میں کمی آئی ہے اور زراعتی پیداوار میں ایک چوتھائی سے زیادہ کا اضافہ ہوا ہے۔

لوک سبھا میں وقفہ سوالات کے دوران جراثیم کش ادویات کے استعمال سے متعلق پوچھے گئے سوال کے ضمنی جواب میں وزیر مملکت برائے زراعت کیلاش چودھری نے کہا کہ ملک میں تقریبا 15 کروڑ سول ہیلتھ کارڈ جاری کئے گئے ہیں اور اس سے کسانوں کا ایک ڈیٹا بیس تیار کیا گیا ہے۔ اس کے ساتھ ہی ہندوستانی کونسل برائے زراعتی تحقیق (آئی سی اے آر) نے 1326 کروڑ روپے خرچ کرکے ایک مطالعہ کیا ہے۔

اس تحقیقی مطالعہ کی معلومات دیتے ہوئے انہوں نے بتایا کہ اگر کوئی کسان سول ہیلتھ کارڈ کی بنیاد پر کاشت کرتا ہے تو اس کے کھادوں کے استعمال میں 15 سے 20 فیصد تک کمی آتی ہے۔ اس کے ساتھ پیداوار میں 25 سے 30 فیصد تک اضافہ ہوتا ہے۔ انہوں نے کہا کہ وزیر اعظم نریندر مودی کسانوں کی آمدنی کو دوگنا کرنے کے لئے پرعزم ہیں اور ان اقدامات سے کسانوں کی آمدنی میں یقینا اضافہ ہوا ہے۔

کیلاش چودھری نے کہا کہ کاشتکاروں کو ملک بھر میں سات ہزار میلے کے انعقاد کے ذریعہ سول ہیلتھ کارڈ کی افادیت کے بارے میں آگاہ کیا گیا ہے۔ زراعتی تحقیقی مراکز اور آئی سی اے آر سینٹرکے علاوہ ، بہت سے دیہاتوں میں واقع سوئل لیبارٹریوں کے ذریعہ سوئل ہیلتھ کارڈ جاری کیے جاتے ہیں۔

یو این آئی