'پیٹرول پمپ پر کسانوں کو تیل نہیں دیا جانا بی جے پی کی سازش'

تینوں زرعی قوانین کے خلاف کسان مسلسل سڑکوں پر ہیں، گزشتہ دو ماہ سے کسانوں کا احتجاج جاری ہے، اس دوران حکومت اور کسانوں کے مابین گیارہ بار مذاکارت ہوئے جو بلا نتیجہ رہے، کسانوں کی مانگ ہے کہ حکومت تینوں زرعی قوانین کو واپس لے اور ایم ایس پی پر قانونی ضمانت دے، لیکن حکومت تیار نہیں ہے، اسی لیے کسانوں نے دہلی کی سڑکوں پر یوم جہوریہ کی تقریب کے موقعے پر ٹریکٹر پریڈ کرنے کا فیصلہ کیا، اس سلسلے میں پنجاب ہریانہ سمیت متعدد ریاستوں سے کسان دہلی کوچ کر رہے ہیں۔

اتر پردیش کے سابق وزیر اعلی اکھلیش یادو نے بی جے پی پر الزام عائد کرتے ہوئے کہا ہے کہ یوم جمہوریہ پر ٹریکٹر پریڈ کو روکنے کے لیے ٹریکٹروں کو پیٹرول پمپ پر ڈیزل نہیں دیے جانے کے حکم کی خبرموصول ہوئی ہے۔

اکھلیش یادو کا ٹویٹ

اکھلیش یادو نے اپنے ٹویٹ پیغام میں کہا کہ 'بی جے پی کسانوں کے خلاف گھٹیا سازش کر رہی ہے، اکھلیش یادو مزید لکھتے ہیں، کہیں کسان ڈیزل بندی کا جاواب بھاجائیوں کی ناکہ بندی سے دینے لگے تو کیا کیا ہوگا۔'

وہیں بی ایس پی کی سربراہ مایاوتی نے بھی کسانوں سے متعلق مرکزی حکومت سے اپیل کرتے ہوئے احتجاجی کسانوں کی مانگ ماننے کی اپیل کی ہے۔

مایاوتی کا ٹویٹ

بی ایس پی سربراہ مایاوتی نے ایک ٹویٹ پیغام میں کہا کہ مرکزی حکومت کو تینوں زرعی قوانین کو ضرور واپس لے لینا چاہیے، تاکہ 26 جنوری کو یوم جمہوریہ کے موقعے پر کسی نئی رسم کا اغاز نہ ہو، اس کے علاوہ دہلی پولیس کے شبہ کے مطابق کوئی نا خوشگوار واقعہ پیش نہ آئے۔'