MLA Haji Rizwan On BJP: 'ریاست میں بی جے پی حکومت تھی جس سے علاقے میں ترقی نہیں ہوئی'

رکن اسمبلی حاجی رضوان نے کہا کہ ہم نے کئی بار حکومت کو فنڈ کے لئے تجویز بھیجی لیکن کسی بھی کام کے لیے حکومت کی طرف سے منظوری نہیں دی گئی۔ ہم نے اپنے علاقے میں جو بھی کام کئے وہ اپنے ذاتی خرچ پر کئے ہیں۔ Exclusive Interview With MLA Haji Rizwan

ریاست اترپردیش کے ضلع مرادآباد کے اسمبلی حلقہ کندرکی سے سماج وادی پارٹی کے رکن اسمبلی حاجی رضوان نے ای ٹی وی بھارت اردو سے خاص بات چیت کرتے ہوئے کہا کہ ریاست میں بی جے پی کی حکومت تھی جس سے ہمارے اسمبلی حلقہ میں کام کاج کافی متاثر رہا کیونکہ حکومت نے علاقہ کی ترقی کے لئے فنڈ نہیں دئے جس کی وجہ سے علاقہ کی ترقی نہیں ہوسکی۔ Exclusive Interview With MLA Haji Rizwan

انہوں نے کہا کہ ہم نے کئی بار حکومت کو فنڈ کے لئے تجویز بھیجی لیکن کسی بھی کام کے لیے حکومت کی طرف سے منظوری نہیں دی گئی۔ ہم نے اپنے علاقے میں جو بھی کام کئے وہ اپنے ذاتی خرچ پر کئے ہیں۔

حاجی رضوان نے کہا کہ اگر اس بار ہماری حکومت بنتی ہے اور میں دوبارہ رکن اسمبلی منتخب ہوتا ہوں تو تمام ادھورے کام کو پورا کیا جائے گا، کورونا وائرس کے سبب لاک ڈاون تھا لیکن ہم نے ہرممکن غریبوں کی مدد کی اور کسی کو مایوس نہیں کیا۔