Ahsaan Qureshi Visits Gujarat گجرات میں عوام کیلئے کام کرنے والی حکومت بننی چاہیے، کامیڈین احسان قریشی

ملک کے مشہور کامیڈین احسان قریشی نے ای ٹی وی بھارت سے بات کرتے ہوئے کہا کہ گجرات آکر بہت اچھا لگ رہا ہے۔ یہاں نئی حکومت بننے جا رہی ہے۔ امید کرتے ہیں کہ ریاست میں ایسی حکومت آئے جس سے عوام کو فائدہ ہو اور جو عوام کے حقوق کے لیے کام کرے۔ Ahsaan Qureshi Visits Gujarat

احمدآباد: ریاست گجرات کے احمدآباد ضلع میں عالمی یوم معذور کے موقع پر وکلانگ سہایک کیندر کی جانب سے ایک پروگرام کا انعقاد کیا گیا، جس میں ملک کے مشہور کامیڈین احسان قریشی نے شرکت کی اور اسٹیج پر اپنے منفرد اندار سے لوگوں کو خوب ہنسایا کیا۔ اس موقعے پر انہوں نے ای ٹی وی بھارت سے خاص بات جیت کی اور اپنا ایک برجستہ شعر ای ٹی وی بھارت کو نذر کیا۔ Exclusive Interview with Comedian Ahsaan Qureshi

انہوں نے ای ٹی وی بھارت کے نام ایک برجستہ شعر پیش کیا:

ناراض ہوکر بھاگ نا جائے آپ کی بیوی

اور اسی محبت سے دیکھتے رہیں ای ٹی

وہیں گجرات میں ہونے والے اسمبلی انتخابات کے تعلق سے انہوں نے کہا کہ گجرات آکر بہت اچھا لگ رہا ہے۔ یہاں نئی حکومت بننے جا رہی ہے۔ امید کرتے ہیں کہ ریاست میں ایسی حکومت آئے جس سے عوام کو فائدہ ہو اور جو عوام کے حقوق کے لیے کام کرے۔ عالمی یوم معذور کے تعلق سے انہوں نے کہا کہ جو بھی معذور ہیں، مجبور ہیں، لوگوں کو ان کی مدد کرنی چاہیے اور امداد کے لیے سبھی کو آگے بڑھنا چاہیے۔ انہوں نے مزید کہا کہ اس پروگرام کا انعقاد کرنے والے بابو پھائی صابو والا نے کافی محنت کی اور اس پروگرام کے لئے کافی ڈور بھاگ کی ہے حالانکہ وہ خود ایک معذور ہیں۔