مہنگائی کے خلاف مہم میں ہر شخص شامل ہو: راہل گاندھی

کانگریس کے سابق صدر راہل گاندھی اور پارٹی کی جنرل سکریٹری پرینکا گاندھی واڈرا نے کہا کہ حکومت عوام کو مہنگائی کے دلدل میں لگاتار دھکیل رہی ہے اس لیے لوگوں کو مہنگائی کے خلاف آواز اٹھانے کے لیے کانگریس کی مہم میں شامل ہونا چاہیے۔

راہل گاندھی نے کہا کہ 'افراط زر ایک لعنت ہے۔ مرکزی حکومت صرف ٹیکس کمانے کے لیے عوام کو مہنگائی کے دلدل میں ڈال رہی ہے۔ ملک کی تباہی کے خلاف آواز اٹھائیں اور اس مہم سے ضرور وابستہ ہوں۔

اس کے علاوہ پرینکا گاندھی واڈرا نے کہا کہ 'مہنگائی پر بی جے پی حکومت کا کہنا ہے کہ سردی کی وجہ سے قیمتیں بڑھی، گزشتہ حکومتیں قصوروار، لوگ کم سفر کر رہے ہیں اس لیے ٹکٹ کی قیمتوں میں اضافہ ہوا، پٹرول اور ڈیزل کی بڑھتی قیمتوں پر ہمارا کنٹرول نہیں ہے۔ یہ سب عام لوگوں کے مسائل کو نظر انداز کرنے کے بہانے ہیں۔