ریاست گجرات کے چار شہروں میں عوامی مقامات پر انڈے اور نان ویج کے ٹھیلوں پر پابندی لگا دی گئی ہے۔ سب سے پہلے راجکوٹ کے میئر نے شہر میں عوامی مقامات پر انڈے اور نان ویج ٹھیلوں کو ہٹانے کا حکم نہیں دیا تھا جس کے بعد دیگر بڑے شہروں کی میونسپل کارپوریشن نے ایسے فیصلے لینے شروع کر دیے ہیں۔
راجکوٹ کے بعد وڈودرا میں بھی عوامی مقامات پر چلنے والے نان ویج اور انڈے کے ٹھیلوں کو ہٹانے کا فیصلہ کیا۔ اس کے بعد جونا گڑھ میونسپل کارپوریشن اور بھاونگر میونسپل کارپوریشن نے بھی شہر میں عوامی مقامات پر چلنے والے نان ویج ٹھیلوں کو ہٹانے کا فیصلہ کیا۔
وہیں دوسری طرف احمد آباد کے پالڈی وارڈ کے کونسلر اور ریونیو کمیٹی کے چیئرمین جینک وکیل نے احمدآباد میونسپل کمشنر کو خط لکھ کر کہا کہ نان ویج کاربایوں کو عوامی مقامات پر کھڑے ہونے کی اجازت نہ دی جائے۔ اس طرح کے نان ویج ٹھیلوں کی وجہ سے باہر نکلنا مشکل ہو جاتا ہے۔ انہوں نے یہ بھی شکایت کی کہ سڑک کے اردگرد صفائی کا خیال نہیں رکھا جاتا۔ ان تمام وجوہات کے ساتھ نان ویج ٹھیلوں کو فوری طور پر سڑکوں سے ہٹانے کی تجویز پیش کی ہے۔
مزید پڑھیں:۔ برڈ فلو سے چکن اور انڈو کی قیمتوں میں آئی کمی کا عوام اٹھا رہی فائدہ
گجرات کے دارالحکومت گاندھی نگر میں بھی عوامی سڑکوں سے نان ویج ٹھیلوں کو ہٹانے کا کام شروع کر دیا گیا ہے۔ اس سے متعلق سروے کرنے کا حکم بھی دیا ہے کہ شہر میں کہاں اور کتنے نان ویج ٹھیلے ہیں۔ سروے رپورٹ آنے کے بعد اس طرح کے ٹھیلوں اور دیگر کو گاندھی نگر علاقے کے اہم سڑکوں سے ہٹا دیا جائے گا۔ انہوں نے اپنے شہریوں سے اپیل کی ہے کہ اگر وہ اس طرح کے ٹھیلوں سے پریشان ہیں تو وہ اس کو ہٹانے میں ان کی نمائندگی کریں۔
