نئی دہلی: انفورسمنٹ ڈائریکٹوریٹ نے کانگریس رہنما راہل گاندھی کو نیشنل ہیرالڈ کیس میں 13 جون کو تفتیش کاروں کے سامنے پیش ہونے کے لیے تازہ سمن جاری کیا ہے۔ حکام نے جمعہ کو یہ اطلاع دی۔ انہیں پہلے 2 جون کو حاضر ہونے کے لئے کہا گیا تھا، لیکن راہل گاندھی نے ملک سے باہر ہونے کا حوالہ دیتے ہوئے ای ڈی کو نئی تاریخ دینے کے لئے کہا تھا۔ حکام نے بتایا کہ راہل گاندھی کو اب 13 جون کو دہلی میں ایجنسی کے ہیڈکوارٹر میں حاضر ہونے کو کہا گیا ہے۔ وہیں ان کی والدہ اور کانگریس صدر سونیا گاندھی کو 8 جون کو ایجنسی کے سامنے پیش ہونے کو کہا گیا ہے۔ عہدیداروں نے کہا کہ ایجنسی منی لانڈرنگ کی روک تھام کے قانون (PMLA) کی مجرمانہ دفعات کے تحت راہل گاندھی اور سونیا گاندھی کے بیانات ریکارڈ کرنا چاہتی ہے۔ ED issues fresh summons to Congress leader Rahul Gandhi
آپ کو بتا دیں کہ کانگریس کے ترجمان رندیپ سنگھ سرجے والا اور ابھیشیک منو سنگھوی نے گزشتہ نوٹس کی تصدیق کرتے ہوئے کہا تھا کہ آزادی سے پہلے برطانوی حکومت نے نیشنل ہیرالڈ کی آواز کو دبانے کی کوشش کی اور اب مودی حکومت بھی انفورسمنٹ ڈائریکٹوریٹ کی آڑ میں کانگریس کی آواز کو دبانے کی کوشش کر رہی ہے۔ اطلاعات کے مطابق نیشنل ہیرالڈ کا معاملہ 2000 کروڑ روپے کی مبینہ طور پر غلط استعمال سے متعلق ہے۔
مزید پڑھیں:۔ ED Summons to Rahul and Sonia Gandhi: ای ڈی کا سونیا گاندھی اور راہل گاندھی کو نوٹس
نیشنل ہیرالڈ کو ایسوسی ایٹڈ جرنلز لمیٹڈ (AJL) نے شائع کیا جاتا ہے اور اس پر ینگ انڈین پرائیویٹ لمیٹڈ کی ملکیت ہے۔ تحقیقات کے ایک حصے کے طور پر ایجنسی نے حال ہی میں کانگریس کے سینئر رہنما ملکارجن کھڑگے اور پون بنسل سے پوچھ گچھ کی تھی۔ عہدیداروں نے کہا تھا کہ کانگریس کے سینئر رہنما اور گاندھی خاندان سے پوچھ گچھ ای ڈی کی جانچ کا حصہ تھی تاکہ شیئر ہولڈنگ پیٹرن، مالی لین دین اور ینگ انڈین اور اے جے ایل کے پروموٹرز کے کردار کو سمجھ سکے۔
