مکمل چاند گرہن 26 مئی کو ہوگا۔ بھارت کے بعض علاقوں میں ہی نظر آسکے گا

سال 2021 میں واقع ہونے والے دو چاند گرہن اور دو سورج گرہن میں سے پہلا چاند گہن بدھ کو ہوگا۔ یہ مکمل چاند گہن بھارت کے صرف چند مقامات پر اس وقت نظر آئے گا جب چاند کا چھوٹاحصہ تاریک نظر آئے گا۔ یہ چاند گہن شام 6.23 سے پہلے چاند نکلنے کے وقت نظر آئے گا۔

پلینٹری سوسائٹی آف انڈیا کے ڈائریکٹر این رگھونندن کمار نے بتایا کہ جنوبی امریکہ، شمالی امریکہ، ایشیاء، آسٹریلیا، انتارتیکا، بحر اوقیانوس اور بحر ہند کا احاطہ کرنے والے علاقوں میں یہ چاند گہن نظر آئے گا۔ انہوں نے کہا کہ یہ چاند گہن کل 2.16 بجے دن مختلف مرحلوں میں شروع ہوگا اور اس کا اختتام شام 7.21 بجے ہوگا۔ بھارت کے صرف چند مقامات پر ہی یہ چاند گہن نظر آئے گا۔

مکمل چاند گرہن 26 مئی کو ہوگا۔ بھارت کے بعض علاقوں میں ہی نظر آئے گا

رگھونندن نے کہا کہ سکم، مغربی بنگال اور اوڈیشہ کے بعض حصوں میں اس کی جھلک دیکھی جاسکے گی۔ پورٹ بلیئر کے عوام سب سے پہلے اس گہن کو 43 منٹ کے لئے چاند کے نکلنے کے ساتھ ہی دیکھ پائیں گے۔

اگرتلہ میں (18.06) بجے، ایزوال میں (17.59) بجے،کولکتہ میں (18.15) بجے، چیرو پونجی میں (18.06) بجے،کوچ بہار میں (18.18) بجے، ڈائمنڈ ہاربر میں (18.15) بجے، گوہاٹی میں (18.09) بجے، امپھال میں (17.56) بجے، ایٹا نگر میں (18.02) بجے، کوہیما میں (17.57) بجے، مالدا میں (18.21) بجے، شمالی لکھیم پور میں (18.00) بجے، پارادیپ میں (18.18) بجے، پورٹ بلیر میں (17.38) بجے، پوری میں (18.21) بجے، شیلانگ میں (18.06) بجے اور سلچر میں (18.01)ب جے چاند گہن نظر آئے گا۔

یواین آئی