نئی دہلی: الیکشن کمیشن نے سپریم کورٹ کو بتایا کہ مہاراشٹر کے وزیر اعلی ایکناتھ شندے کے دھڑے کو شیوسینا کا پارٹی کا نام اور نشان الاٹ کرنے کے معاملے میں دونوں فریقوں کو سننے کے بعد اس نے بہت سوچ سمجھ کر اپنا فیصلہ دیا ہے۔ الیکشن کمیشن نے اپنا 17 فروری کا حکم نامہ بھی حلف نامہ کے ساتھ عدالت کے سامنے پیش کیا، جس میں دعویٰ کیا گیا ہے کہ دونوں جماعتوں سے متعلق تمام مسائل کا احاطہ کیا گیا ہے۔ خصوصی اجازت کی درخواست پر سپریم کورٹ کے نوٹس کے جواب میں، الیکشن کمیشن نے ایک حلف نامہ داخل کرتے ہوئے کہا، "چونکہ یہ حکم کمیشن کی انتظامی صلاحیت میں نہیں بلکہ علامتی حکم کے آرٹیکل 15 کے تحت نیم عدالتی صلاحیت میں پاس کیا گیا تھا، اس لئے اس میں معاملات کی اہلیت کے بارے میں کوئی تنازعہ نہیں ہے۔
سپریم کورٹ نے 22 فروری کو مہاراشٹر کے سابق وزیر اعلی ادھو ٹھاکرے کے گروپ کے ذریعہ الیکشن کمیشن کے 17 فروری 2023 کے حکم پر روک لگانے سے انکار کردیا تھا۔ تاہم عدالت نے الیکشن کمیشن کو نوٹس جاری کرتے ہوئے جواب داخل کرنے کو کہا تھا۔ شندے کے دھڑے کو الیکشن کمیشن نے شیوسینا کے طور پر تسلیم کیا تھا اور اسے 'کمان اور تیر' کا نشان الاٹ کیا تھا۔الیکشن کمیشن نے عدالت کو یہ بھی بتایا کہ آئین کے آرٹیکل 324 کے تحت عوامی نمائندگی ایکٹ 1951 کے سیکشن 29 اے کے تحت الیکشن کمیشن کو حاصل اختیارات کو استعمال کرتے ہوئے نشان کا آرڈر تیار کیا گیا ہے۔
یواین آئی
