مہاراشٹر کے وزیر چھگن بُھجبل نے ہفتے کے روز کروز جہاز پر منشیات کی ضبطی پر بی جے پی پر طنز کرتے ہوئے کہا کہ اگر اداکار شاہ رخ خان بھگوا پارٹی میں شامل ہوتے ہیں تو 'منشیات شوگر پاؤڈر' بن جائے گا۔
بُھجبل نے یہ بھی کہا کہ مہاراشٹر حکومت نے او بی سی کوٹہ پر ایک آرڈیننس پاس کیا تھا، لیکن بی جے پی کے ایک کارکن نے اسے عدالت میں چیلنج کیا۔
انہوں نے پوچھا کہ کیا بی جے پی دیگر پسماندہ طبقات کو ریزرویشن دینے کے خلاف ہے؟
یہ بھی پڑھیں: اجمیر درگاہ میں آرین خان کی رہائی کے لیے دعا
واضح رہے کہ نارکوٹکس کنٹرول بیورو (این سی بی) نے 3 اکتوبر کو آرین خان (23) اور چند دیگر کو ممبئی کے ساحل سے ایک کروز جہاز سے منشیات ضبط کرنے کے سلسلے میں گرفتار کیا۔ آرین خان تب سے جیل میں ہیں۔
