ڈائریکٹر ہارٹیکلچر کشمیر کا دورہ کولگام

جموں و کشمیر کے محکمہ باغبانی کے ڈائریکٹر اعجاز احمد بٹ نے کہا کہ فصل انشورنس اسکیم پر کام جاری ہے اور انشورنس کمپنیوں کو اس حوالے سے آمادہ کرنے کی کوشش کی جارہی ہے۔

انہوں نے ژالہ باری سے متاثرہ کسانوں کے مالکان باغات سے اظہار ہمدردی کی اور انہیں یقین دلایا کہ محکمہ ان کی ہر ممکن مدد کرنے کا پابند ہے۔

انہوں نے ضلع کولگام میں کل ہوئی زبردست ژالہ باری سے متاثرہ علاقوں کا دورہ کیا۔ ان کے ہمراہ محکمہ کا عملہ، مالکان باغات اور زرعی ماہرین موجود تھے، ننی بُگ، ززری پورہ، پانیوہ اور ضلع کے دیگر متاثرہ علاقوں میں جا کر مالکان باغات سے بات کی۔

انہوں نے کہا کہ محکمہ کی جانب سے متاثرین کی بھرپور معاونت کی جائے گی۔ انہوں نے کہا کہ کورونا وائرس کے خدشات کے پیش نظر کسانوں کے جائز مطالبات کا ازالہ کرنے میں کئی دشواریاں پیش آرہی ہیں۔