وسطی کشمیر کے ضلع بڈگام میں ڈسٹرکٹ انفارمیشن سینٹر نے قصبے کے بازاروں اور بس اڈوں پر کووڈ-19 کی آگاہی کا اہتمام کیا اور ساتھ ہی مسافروں اور دکانداروں میں پمفلٹ تقسیم کئے، جن میں احتیاطی تدابیر اختیار کرنے کی تلقین کی گئی ہے۔ DIC Budgam Conducts covid_19 Related Awareness
اس مہم کے دوران ڈی آئی سی کے ملازمین نے لوگوں سے اپیل کی ہے کہ وہ کووڈ-19 وائرس پر قابو پانے کے لئے دی گئی ہدایات اور ایس او پیز پر سختی سے عمل کریں۔
مزید پڑھیں:۔ Srinagar Areas Under Restriction: سرینگر کے 13 علاقے پابندی کے زمرے میں شامل
انہوں نے لوگوں کو مثبت معاملات میں اضافے کے بارے میں بھی آگاہ کیا اور تیسری لہر کو روکنے کے لیے ماسک کا استعمال اور سماجی فاصلہ برقرار رکھنے کی اپیل کی۔ ہجوم والی جگہوں پر جانے سے منع کیا، نیز وقفے وقفے سے صابن سے ہاتھ دھونے کی تلقین کی۔
اس مہم میں ڈسٹرکٹ انفارمیشن سینٹر بڈگام کے ڈی آئی او تجمل اور متعلقہ ادارے کے تمام ملازمین نے اس آگاہی مہم میں حصہ لیا اور لوگوں کو کوؤڈ-19 کے رہنما اصولوں پر عمل کرنے کی ہدایات دی۔
