شمالی ہند میں ٹھنڈ میں اضافہ ہوگیا ہے جس کا اثر راجدھانی دہلی میں بھی دیکھنے کو مل رہا ہے۔ یہی وجہ ہے کہ قومی دارالحکومت کے درجہ حرارت میں دن بدن گراوٹ (Delhi's Temperature Drops) آرہی ہے۔
راجدھانی دہلی میں آج صبح کم سے کم درجہ حرارت 9 ڈگری سیلسیس تک پہنچ گیا جو معمول سے دو ڈگری کم ہے۔ محکمہ موسمیات کے مطابق آج زیادہ سے زیادہ درجہ حرارت 27 ڈگری سینٹی گریڈ تک ریکارڈ کیا جائے گا۔
محکمہ موسمیات کے مطابق جمعرات کو کم سے کم درجہ حرارت دس ڈگری سینٹی گریڈ اور زیادہ سے زیادہ 26 ڈگری سینٹی گریڈ تک پہنچ جائے گا۔ رواں ہفتے درجہ حرارت جوں کا توں رہے گا، تاہم اگلے ہفتے سے ٹھنڈی ہواؤں کے ساتھ سردی بڑھنے لگے گی۔
مزید پڑھیں:۔ دہلی میں ٹھنڈ بڑھنے کا امکان
دہلی میں آج درجہ حرارت دس ڈگری کے آس پاس ہے، جب کہ زیادہ سے زیادہ درجہ حرارت 26 سے 27 ڈگری تک پہنچ رہا ہے۔ دن کے وقت دھوپ کی وجہ سے موسم صاف رہتا ہے لیکن آنے والے دنوں میں دہلی میں دھند بڑھے گی، جس کے ساتھ درجہ حرارت میں بھی کمی آئے گی۔ تاہم ہلکی دھند صبح و شام دیکھی جا رہی ہے۔
