دہلی پولیس نے 2 فروری 2021 کو ان 12 ملزمین کی تصاویر جاری کی ہے جو ٹریکٹر ریلی کے دوران تشدد میں شامل تھے۔
اس کے علاوہ دہلی پولیس نے عوام سے ان کی شناخت کے لیے مدد بھی طلب کی ہے تاکہ ان کے خلاف سخت کارروائی کی جاسکے۔
گذشتہ ماہ یوم جمہوریہ کے موقع پر قومی دارالحکومت نئی دہلی میں ٹریکٹر ریلی کے دوران تشدد کرنے والے 12 ملزمین کی فہرست دہلی پولیس نے جاری کی ہے۔
اس کے ساتھ ہی دہلی پولیس نے 100 کے قریب لوگوں کو پوچھ گچھ کے لئے نوٹس بھی جاری کیے ہیں۔
خیال رہے کہ گذشتہ ماہ 26 جنوری 2021 کو کسان تنظیموں کے ذریعہ ٹریکٹر ریلی نکالی گئی تھی۔ اس دوران دہلی کے کچھ علاقوں میں تشدد برپا ہو گیا تھا۔
اس تشدد میں اب تک مجموعی طور پر 44 ایف آئی آر درج کی جاچکی ہیں اور 122 افراد کو بھی گرفتار کیا گیا ہے۔
مزید پڑھیں:سنگھو بارڈر پر برگر کا لنگر کا انتظام
ان میں سے نو معاملات کی تفتیش دہلی پولیس کی کرائم برانچ کررہی ہے۔
وہیں 60 افراد کے خلاف لوک آؤٹ نوٹس بھی جاری کیا گیا ہے۔
پولیس کا کہنا ہے کہ لوک آؤٹ نوٹس جاری اس لیے کیا گیا ہے تاکہ یہ تمام افراد ملک سے باہر نہ جاسکیں۔ جلد ہی ان لوگوں سے بھی پوچھ گچھ کی جائے گی۔
ملزمین کی فہرست میں دیپ سندھو کا نام بھی شامل ہے، جو لال قلعہ پر جھنڈے پرچم کشائی کے وقت موجود تھا۔
