ریاست بہار ضلع گیا میں پہلے مرحلے کی گنتی جاری ہے تاہم تین گھنٹے بعد بھی نتائج کا اعلان نہیں ہوا ہے، 33 سو سے زیادہ امیدواروں کی قسمت کا فیصلہ آج کیا جائے گا۔
ضلع میں آج صبح آٹھ بجے سے دو بلاکس کے 33 پنچایتوں کی گنتی ہورہی ہے، گیا کالج میں دونوں بلاکس کے ووٹوں کی گنتی شروع ہوگئی ہے، پہلی مرتبہ پنچایت انتخابات ای وی ایم مشین سے ہوئے ہیں جس کے سبب اس مرتبہ نتائج کے جلد ہی آنے کی توقع تھی تاہم ایسا ابھی نہیں ہوا ہے۔
مزید پڑھیں:۔ گیا: پنچایت انتخابات کی ووٹنگ میں مسلم خواتین پیش پیش
تین گھنٹے کے بعد بھی کسی عہدے کے نتائج کا اعلان نہیں کیا گیا ہے۔ پنچایت انتخابات میں ایک بڑا عہدہ جو ضلع پریشد کا ہے اس کا نتیجہ سب سے آخری میں جاری کیا جائے گا کیونکہ یہ کئی پنچایتوں کو ملا کر ایک ضلع پریشد کی سیٹ ہوتی ہے۔
چوبیس ستمبر کو بیلاگنج و خضر سرائے بلاکس میں پہلے مرحلے کے لیے ووٹنگ ہوئی تھی جس میں دونوں بلاک میں 33 پنچایتوں میں ووٹنگ ہوئی تھی۔ ان میں کل 33 سو سے زائد امیدواروں کی قسمت کا فیصلہ آج ہونا ہے۔
