بھارت میں کورونا کی دوسری لہر کا اثر آہستہ آہستہ کم ہو رہا ہے۔ ماہرین کا کہنا ہے کہ بیشتر ریاستوں میں لاک ڈاؤن اور نائٹ کرفیو کی وجہ سے کورونا کے کیسز میں کمی واقع ہوئی ہے۔ لیکن تشویش کی بات یہ ہے کہ ایک طرف جہاں نئے کیسز کم ہو رہے ہیں وہیں دوسری طرف انفیکشن کی وجہ سے اموات میں کوئی نمایاں کمی نہیں ہورہی ہے۔
گزشتہ 24 گھنٹوں کے دوران بھارت میں کورونا کے 1،52،734 نئے کیسز درج کیے جانے کے بعد کورونا مثبت کیسز کی مجموعی تعداد 2،80،47،534 ہوگئی۔ وہیں 3،128 نئی اموات کے بعد اموات کی مجموعی تعداد 3،29،100 ہوگئی ہے۔
- " class="align-text-top noRightClick twitterSection" data="">
دوسری جانب 2،38،022 مریض صحت یاب بھی ہوئے ہیں جس کے بعد صحت یوب ہونے والے مریضوں کی کل تعداد 2،56،92،342 تک پہنچ گئی ہے۔ ملک میں فعال کیسز کی کل تعداد 20،26،092 ہے۔
ملک میں ویکسینیشن کی کل تعداد 21،31،54،129 ہوگئی ہے۔
انڈین کونسل آف میڈیکل ریسرچ (آئی سی ایم آر) کے مطابق بھارت میں گذشتہ روز کورونا وائرس کے لیے 16،83،135 نمونہ ٹیسٹ کیے گئے تھے، کل تک کل 34،48،66،883 نمونے ٹیسٹ کیے جاچکے ہیں۔
