ریاست مدھیہ پردیش کے ضلع کھر گون میں رام نومی کے جلوس پر مبینہ طور پر پتھراؤ کے بعد شہر کا ماحول پوری طرح سے خراب ہوگیا، کئی مقامات سے آتش زنی کی خبریں موصول ہوئیں۔ جس کے بعد شہر کے کئی علاقوں پر بشمول تالاب چوک, گؤ شالا مارگ اور موتی پورہ میں کرفیو نافذ کر دیا گیا۔ ہنگامہ آرائی کے دوران ایس پی سدھارتھ چودھری اور کوتوالی پی آئی ای فری زخمی میں ہوئے۔ khargone violence
اس سلسلے میں آج وزیر داخلہ نرتم مشرا نے صحافیوں سے بات چیت کرتے ہوئے کہا کہ 'اس وقت کھر گون کے حالات پوری طرح سے قابو میں ہیں۔ وہاں پر پولیس کثیر تعداد میں پولیس تعینات ہے اور کرفیو کے ساتھ دفعہ 144 نافذ ہے۔ انہوں نے کہا کہ' ہم ایک بات صاف طور سے بتا دینا چاہتے ہیں کہ فسادیوں کی نشاندہی کی جا رہی ہے۔ اب تک 77 لوگوں کو گرفتار کیا جا چکا ہے۔ انہوں نے اس دوران متنازع بیان دیتے ہوئے کہا کہ 'جس گھر سے پتھر آئے ہم اس گھر کو پتھرؤں کا ڈھیر بنائیں گے۔ انہوں نے کہا کہ صوبے کے امن و چین کو بگاڑنے کا کسی کو حق نہیں ہے اور نہ ہی ہم ماحول بگاڑنے دیں گے۔ انہوں نے کہا کہ اس معاملے میں عام لوگوں میں صرف ایک کو چوٹ آئی ہے باقی پولیس والے زخمی ہوئے ہیں۔' Curfew in Madhya Pradesh's Khargone
وزیر داخلہ نرتم مشرا مشرا نے کانگریس پر طنز کرتے ہوئے کہاکہ کچھ لوگ ہے انتخابات میں شکست کے بعد بعد ماحول خراب کرنے میں لگے ہیں، وہ صوبے کا امن و چین خراب کرنا چاہتے ہیں۔ ایسے لوگوں کے منصوبے ہم پورے نہیں ہونے دیں گے۔ وہیں رام نومی کے جلوس پر پتھراؤ اور آگ زنی پر لوگوں میں ناراضگی پائی جارہی ہے۔ سو شل میڈیا پر کچھ لوگ ہندو تنظیموں کو تنقید کا نشانہ بناتے ہوئے لکھ رہے ہیں کہ ' رام نوی کے موقع پر یہ ہندتوا تنظیموں کے کارکنان مندر پوجا کے لیے جانے کے بجائے مسجدوں میں پتھراؤ کرنے پہنچ رہے ہیں۔'
مزید پڑھیں:
