سہارنپور: کانسٹیبل جاوید خان نے مسافر کی جان بچائی

آر پی ایف جوان جاوید خان نے بتایا کہ ٹرین روانہ ہونے کے بعد ایک مسافر کی آواز سنائی دی۔ وہ ٹرین پر لٹکا ہوا تھا جس کا نصف حصہ ٹرین میں اور نصف حصہ پلیٹ فارم پر لٹکا ہوا تھا، میں نے فوراً اس کو دونوں ہاتھوں سے باہر کھینچ لیا جس سے اس کی جان بچ گئی۔

ریاست اترپردیش کے سہارنپور کے ریلوے اسٹیشن پر آر پی ایف کے جوان کی مستعدی نے ایک مسافر کی جان بچائی، چلتی ٹرین پر چڑھتے ہوئے مسافر کا پاؤں پھسل گیا، جس کے سبب وہ ٹرین کے ساتھ بہت دور تک لٹکتا ہوا چلا گیا، اسی دوران آر پی ایف جوان جاوید خان کی نظر اس پر پڑی تو اپنی جان کی پرواہ کئے بغیر انہوں نے مسافر کی جان بچائی۔

اطلاعات کے مطابق گاڑی نمبر 04673 جےپور۔امرتسر ایکسپریس پلیٹ فارم نمبر پانچ سے جیسے ہی روانہ ہوئی، کوچ نمبر6 سے مسافر مول چند سامان لینے کے لئے پلییٹ فارم پر اترا، جیسے ہی ٹرین روانہ ہوئی، تو وہ تیزی سے ٹرین میں چڑھنے کی کوشش کرنے لگا، اسی دوران اس کا پاؤں پھسل گیا۔ اس کے جسم کا نصف حصہ پلیٹ فارم اور نصف حصہ ٹرین کے درمیان پلیٹ فارم کے اندر تھا۔

مسافروں نے شور مچانا شروع کردیا، جس کے بعد آر پی ایف کے ہیڈ کانسٹیبل جاوید خان نے مستعدی دیکھاتے ہوئے اسے اوپر کھینچ لیا۔ اسی دوران ٹرین بھی رک گئی۔ بعدازاں مسافر کو اسی ٹرین سے روانہ کیا گیا۔

اس سلسلے میں آر پی ایف جوان جاوید خان نے بتایا کہ ٹرین روانہ ہونے کے بعد ایک مسافر کی آواز سنائی دی۔ وہ ٹرین پر لٹکا ہوا تھا جس کا نصف حصہ ٹرین میں اور نصف حصہ پلیٹ فارم پر لٹکا ہوا تھا، میں نے فوراً اس کو دونوں ہاتھوں سے باہر کھینچ لیا جس سے اس کی جان بچ گئی۔

آر پی ایف تھانہ انچارج نوین کمار نے بتایا یہ واقعہ پلیٹ فارم نمبر پانچ کا ہے جہاں ہیڈ کانسٹیبل جاوید خان نے ایک مسافر کی جان بچاکر ایک اچھا کام کیا ہے۔ اس کے کام کو دیکھتے ہوئے محکمہ کو رپورٹ بھیج دی گئی ہے۔