بہار اسمبلی انتخابات میں ایم آئی ایم کی شاندار کارکردگی پر پارٹی سے رکن پارلیمان سید امتیاز جلیل نے کہا کہ اگر کانگریس ایم آئی ایم کے ووٹ نہیں کاٹتی تو ایم آئی ایم کی سیٹٹوں میں مزید اضافہ ہوسکتا تھا۔
بہار اسمبلی انتخابات میں کل ہند مجلس اتحاد المسلمین کی کامیابی پر خوشی سے سرشار رکن پارلیمان امتیاز جلیل نے کانگریس اور بی جے پی کو آئینہ دکھانے کی کوشش کی اور کہا کہ کانگریس نے ایم آئی ایم کا نام لے کر اتنا رونا رویا کہ وہ ایم آئی ایم کے حق میں ووٹ میں بدل گیا۔
انھوں نے یہ بھی کہا کہ ایم آئی ایم کو ووٹ کٹوا پارٹی کہنے والوں کو اب اپنے گریبان میں جھانک کر دیکھنا چاہیے نہ کہ اپنی ناکامیوں کا ذمہ دار دوسروں قرار دینا چاہیے۔
امتیاز جلیل کا کہنا ہے کہ اگر تیجسوی یادو کانگریس کو 70 سیٹیں نہیں دیتے تو بہار میں ان کی حکومت ہوتی تھی ایسے میں کس پارٹی نے ووٹ کاٹنے کا کام کیا ہے اب یہ سب کو سمجھ میں آرہا ہے لوگ اب سیکولرازم کے نام سے اکتا گئے ہیں۔
