کانگریس کے قومی ترجمان رندیپ سنگھ سورجے والا نے جمعہ کے روز نامہ نگاروں سے کہا کہ حکومت نے راجیو گاندھی کھیل رتن کا نام تبدیل کیا ہی ہے تو اسے اب پہلے نریندرمودی اسٹیڈیم اور ارون جیٹلی اسٹیڈیم کا نام بھی تبدیل کردینا چاہیے۔
انہوں نے کہا کہ میجردھیان چند کو ہاکی کا جادوگر کہا جاتا ہے اور انہیں یہ نام ملک ہی نہیں بلکہ دنیا نے دیا۔ میجردھیان چند کا پوری دنیا میں احترام ہے۔
سرجے والا نے کہا کہ مودی حکومت نے اس شخصیت کا نام اپنے چھوٹے سیاسی مقصد کو حاصل کرنے کے لیے کیا ہے اور اس معمولی مقصد کے لیے ان کے نام کا استعمال کرنا اچھا نہیں ہے۔
یہ بھی پڑھیں: راجیو گاندھی کھیل رتن ایوارڈ کا نام میجر دھیان چند کردیا گیا
ترجمان نے کہا کہ ان کی پارٹی میجردھیان چندکے نام پر ایوراڈ کا نام رکھنے کا خیر مقدم کرتی ہے اور مطالبہ کرتی ہے کہ اب بھارتیہ جنتاپارٹی کے لیڈران کے نام پر رکھے گئے اسٹیڈیموں کا نام بھی تبدیل کرنا چاہیے۔
