اترپردیش کے ضلع مظفر نگر کے کلیکٹریٹ دفتر کے باہر کانگریس پارٹی کے کارکنان نے تری پورہ تشدد کے خلاف احتجاج کیا۔ مظاہرین نے اس معاملہ کی جانچ کرنے گئی ٹیموں کے خلاف یو اے پی اے کے تحت درج مقدمات کو ہٹانے اور تشدد کے اصل قصورواروں کے خلاف سخت کارروائی کرنے کا مطالبہ کیا۔
واضح رہے کہ کچھ روز قبل تری پورہ تشدد کے دوران متعدد مساجد، دکانوں اور گھروں کو نذر آتش کیا گیا۔ وہیں، اس تشدد کی جانچ کرنے گیے وکلاء، سماجی کارکن اور صحافیوں کے خلاف یو اے پی اے کے تحت مقدمات درج کیے گئے ہیں۔
مزید پڑھیں:۔ میرٹھ: تریپورہ تشدد معاملہ کے خلاف مظاہرہ
آج کانگریس پارٹی کے کارکنان نے اس معاملے کے خلاف ضلع مظفرنگر کے کلیکٹریٹ میں احتجاجی مظاہرہ کیا اور ایک میمورنڈم دے کر گورنر سے مطالبہ کیا کہ یو اے پی اے کے تحت درج فرضی مقدمات کو ہٹایا جائے اور تشدد میں ملوث اصل قصورواروں کے خلاف سخت ترین کارروائی کی جائے۔
