ہریش راوت نے کہا کہ 'پنجاب کانگریس میں سدھو اور کیپٹن امریندر سنگھ کے مابین تنازع جلد حل ہو جائے گا اور وہ کانگریس صدر سونیا گاندھی اور پارٹی کے سابق صدر راہل گاندھی سے مل کر صورتحال سے انہیں آگاہ کریں گے'۔
کانگریس کے ریاستی انچارج نے کہا کہ 'پارٹی کے تمام رہنماؤں کو سونیا گاندھی اور پارٹی کے سابق صدر راہل گاندھی پر پورا بھروسہ ہے اور پارٹی قیادت جو بھی کہے گی اس پر عمل کریں گے، لہذا انہیں پورا یقین ہے کہ پارٹی رہنما اپنے اختلافات بھول جائیں گے اور آئندہ اسمبلی انتخابات میں حکومت بنانے کے لیے متحد ہو کر کانگریس کو دوبارہ اقتدار میں لائیں گے۔
مزید پڑھیں: سرکاری اثاثے میں نجی شعبے کی حصہ داری اسکینڈل ہے: چدمبرم
دریں اثنا ذرائع نے بتایا کہ پارٹی کے مخالف دھڑے کے پانچ سرکردہ رہنما منگل کو دہلی پہنچ گئے ہیں اور سونیا گاندھی سے ملاقات کے خواہاں ہیں۔ بتایا جا رہا ہے کہ سدھو دھڑے کے یہ تمام رہنما دہلی میں کیپٹن کے خلاف رکاوٹیں کھڑی کرنے کے لیے کھڑے ہیں۔
یو این آئی
