ریاست مہاراشٹر کے اورنگ آباد میں جن جاگرن سمیتی نے دیڑھ سو افراد کو کورونا وبا کے دوران اپنی جان جوکھم میں ڈال کر فیلڈ پر کام کرنے والے صحافی، اساتذہ اور سوشل ورکرس کو اعزازات سے نوازا۔
کورونا وبا کے دوران اپنی جان جوکھم میں ڈال کر عوامی بیداری پیدا کرنے میں کلیدی کردار ادا کرنے والے اورنگ آباد کے اساتذ صحافی اور سماجی کارکنوں کو ایوارڈ سے نوازا گیا۔
مہاراشٹر جن جاگرن سمیتی اور دیگر تنظیموں کے اشتراک سے تہنیتی تقریب منعقد کی گئی ۔
اس تقریب میں میونسپل کارپوریشن کے ڈپٹی کمشنر ڈاکٹر سنتوش ٹینگلے نے مہمان خصوصی کے طور پر شرکت کی۔
اس موقع پر ایک سو پچاس سے زائد کورونا واریر کو ایوارڈ سے نوازا گیا۔
مزید پڑھیں:اورنگ آباد: گنیش تہوار کے موقع پر کورونا قواعد کی خلاف ورزی کی اجازت نہیں
پروگرام سے خطاب میں ڈپٹی کمشنر ڈاکٹر سنتوش ٹینگلے نے اردو مضمون کو تمام اسکولوں میں لازمی مضمون کے طور پر متعارف کروانے کا وعدہ کیا۔
کورونا وبا کے دوران تدریسی فرائض کے بجائے گھر گھر جاکر لوگوں میں بیداری پیدا کرنے والے اردو اساتذہ خاص طور پر خواتین ٹیچروں کی کاوشوں کی ڈپٹی کمشنر نے ستائش کی ۔
