ٹوکیو اولمپکس بیڈمنٹن میں پی وی سندھو نے چین کی، ہی بنگ جیاؤ کو شکست دے کر کانسے کا تمغہ اپنے نام کرلیا ہے اور اس طرح مزید ایک تمغہ بھارت کی جھولی میں ڈال دیا ہے۔
سندھو کی جانب سے کامیابی اور کانسہ کا تمغہ جیتنے پر مخلتف قائدین ورہنماؤں نے انہیں مبارکبار پیش کی ہے، جس میں قابل ذکر نائب صدر ایم وینکیا نائیڈو ، وزیر اعظم مودی، کانگریس قائد راہل گاندھی شامل ہیں۔
اتوار کو جاری ایک پیغام میں وینکیا نائیڈو نے کہا کہ پی وی سندھو کی اس کامیابی پر ہر ہندوستان کو فخر ہے۔ انہوں نے کہا کہ "پی وی سندھو کو ٹوکیو اولمپکس میں بیڈمنٹن مقابلے میں ملک کے لیے کانسے کا تمغہ جیتنے پر دلی مبارکباد! آپ کی کامیابی ٹیم کے کھلاڑیوں کو بہترین کارکردگی دکھانے کی ترغیب دے گی۔"
مسٹر نائیڈو نے بتایا کہ پی وی سندھو نے ٹوکیو اولمپکس میں اپنا دوسرا تمغہ جیت کر تاریخ رقم کی ہے۔ انہوں نے ایک بار پھر کھیلوں کے تئیں اپنی لگن اور محنت کا مظاہرہ کیا ہے۔ مسٹر نائیڈو نے کہا کہ پی وی سندھو کے روشن مستقبل کے لیے میری نیک خواہشات۔
وزیر اعظم نریندر مودی نے ٹوکیو اولمپکس میں بیڈمنٹن میں کانسے کا تمغہ جیتنے پر پی وی سندھو کو مبارکباد دی ہے۔ وزیر اعظم نے کہا کہ پی وی سندھو ہندوستان کا فخر اور ہمارے بہترین اولمپک کھلاڑیوں میں سے ایک ہے۔
اتوار کو ایک ٹویٹ میں مسٹر مودی نے لکھا کہ "ہم سب پی وی سندھو کی شاندار کارکردگی سے پرجوش ہیں۔ ٹوکیو اولمپکس میں کانسے کا تمغہ جیتنے پر انہیں مبارکباد۔ وہ ہندوستان کا فخر ہے اور ہمارے بہترین اولمپک کھلاڑیوں میں سے ایک ہے۔
واضح رہے کہ پی وی سندھو نے اولمپکس میں کانسے کا تمغہ جیت کر ملک کا نام روشن کیا ہے۔ اس سے قبل وہ اولمپکس میں چاندی کا تمغہ جیت چکی ہیں۔ اس طرح وہ اولمپک کھیلوں میں دو تمغے جیتنے والی پہلی ہندوستانی خاتون کھلاڑی بن گئی ہیں۔
کانگریس کے سابق صدر راہل گاندھی نے بھی بیڈمنٹن کھلاڑی پی وی سندھو کو ٹوکیو اولمپک میں بیڈمنٹن میں ملک کے لئے تمغہ جیتنے پر مبارک باد پیش کی۔ راہل گاندھی نے ٹویٹ کرکے کہا، پی وی سندھو کو اولمپک میں ہندوستان کے لئے دوسرا میڈل جیتنے پر بہت بہت مبارک باد۔
-
Big congratulations to PV Sindhu for winning the second medal for India. #Tokyo2021 #Bronze
— Rahul Gandhi (@RahulGandhi) August 1, 2021 " class="align-text-top noRightClick twitterSection" data="
">Big congratulations to PV Sindhu for winning the second medal for India. #Tokyo2021 #Bronze
— Rahul Gandhi (@RahulGandhi) August 1, 2021Big congratulations to PV Sindhu for winning the second medal for India. #Tokyo2021 #Bronze
— Rahul Gandhi (@RahulGandhi) August 1, 2021
یہ بھی پڑھیں: Tokyo Olympics: ٹوکیو اولمپکس میں بھارت کے نام ایک اور میڈل
ٹوکیو اولمپکس کا 11 واں دن: 2 اگست کا شیڈول، بھارت ان کھیلوں میں دکھائے گا طاقت
قابل ذکر ہے کہ بیڈمنٹن اسٹارپی وی سندھو نے چین کی ژاؤ ہی بنگ کوشکست دے کر ٹوکیو اولمپک میں آج خاتون سنگلز کا کانسے کا تمغہ جیت لیا۔
ٹوکیو اولمپکس بیڈمنٹن میں پی وی سندھو نے چین کی ہی بنگ جیاؤ کو شکست دے کر کانسے کا تمغہ اپنے نام کرلیا ہے۔
سندھو نے چینی شٹلر کو پہلے سیٹ میں 13-21 اور دوسرے سیٹ میں 15-21 سے پچھاڑ دیا اور جیت درج کرکے بھارت کو دوسرا میڈل دلایا۔اس سے پہلے بھارت کی جانب سے میرابائی چانو نے ویٹ لفٹنگ میں چاندی کا میڈل جیتا ہے۔
یو این آئی
