حکومت کی ہدایات کے مطابق 25 ستمبر 2021 کو روڈ سیفٹی ہفتہ کے دوسرے دن سورج پور میں واقع ٹرانسپورٹ کے احاطے میں روڈ سیفٹی کے تعلق سے آگاہی دی گئی۔ محکمۂ ٹرانسپورٹ گوتم بدھ نگر اتر پردیش کے انفورسمنٹ افسران نے ضلع کے سورج پور-گریٹر نوئیڈا میں واقع ٹرک یونین کے تعاون سے اس پروگرام کا انعقاد کیا۔
اس دوران ٹریفک کے ضابطے پر عمل کرنا، اپنی فور وہیلر یا بھاری گاڑی چلاتے وقت سیٹ پر بیلٹ کا لازمی استعمال، ڈرائیونگ کے دوران موبائل فون کا استعمال نہ کرنا، اوور اسپیڈنگ نہ کرنا، فٹنس/ پرمٹ/ انشورنس/ آلودگی کا سرٹیفکیٹ اور گاڑیوں کے کاغذات کو اپ ڈیٹ رکھنے کے بارے میں سمجھایا گیا، ساتھ ہی انہیں 'سڑک تحفظ-زندگی محفوظ' کے نعرہ کی اہمیت سے واقف کرایا گیا۔
اس موقع پر سڑک کی حفاظت کو یقینی بنانے اور ٹریفک کے نظام کو محفوظ بنانے کے لیے غلط سمت میں چلنے اور لین ڈسپلن کی خلاف ورزی کرنے والی 28 گاڑیوں کے چالان کاٹے گئے۔
مزید پڑھیں:۔ نوئیڈا میں 'روڈ سیفٹی ویک' مہم
ہائی کورٹ کی ہدایات کی روشنی میں 11 ٹو وہیلر گاڑیوں کے خلاف کارروائی کی گئی جن میں غیر مجاز ترمیم شدہ سائلنسر استعمال کیے گئے تھے جو ساؤنڈ آلودگی کا سبب بنتا ہے۔ خاص طور پر بیلٹ کے خلاف چالان/بند کی کارروائی کی گئی۔ یہ کارروائی سیکٹر 58، سیکٹر 57، سیکٹر 62 نوئیڈا اور ایکوٹیک تھرڈ، گریٹر نوئیڈا اور سورج پور ایریا میں کی گئی۔
