'سابق وزیراعلیٰ ستیش سنگھ کا انتقال ناقابل تلافی نقصان'

ریاست بہار کے وزیراعلیٰ نتیش کمار نے سابق وزیراعلیٰ ستیش پرساد سنگھ کے انتقال پر گہری تعزیت کا اظہار کیا ہے۔

نتیش کمارنے سموار کو یہاں اپنے تعزیتی پیغام میں کہاکہ سابق وزیراعلیٰ ستیش پرساد ایک ماہر سیاست داں اور سماجی رہنما تھے ۔

بہار کی سیاست میں ان کا قابل قدر تعاون رہاہے ۔

ان کے انتقال سے سیاسی اور سماجی شعبے کو ناقابل تلافی نقصان ہوا ہے ۔

وزیراعلیٰ نے آنجہانی کے روح کی تسکین اور ان کے اہل خانہ کو دکھ اس گھڑی میں صبر کی قوت عطا کرنے کی دعا کی ہے ۔